Lajme
Kushdo që hyn në Austri, duhet të bëjë regjistrim elektronik
Që nga sot, e premte, regjistrimi elektronik (online) do të jetë i detyrueshëm para hyrjes në Austri. Kjo vlen edhe për vetë shtetasit austriakë, përcjell albinfo.at
Nga e premtja të gjithë ata që hyjnë në Austri duhet të regjistrohen paraprakisht në internet. Në formularin e publikuar duhet të shënoni këto të dhëna: emrin, datën e lindjes, adresën e E-mailit, adresën e vendbanimit, datën e hyrjes në Austri, datën e daljes dhe të shkruani vendin e qëndrimit në dhjetë ditë e fundit. Regjistrimi është i obligueshëm për të gjithë personat që hyjnë në Austri, pra edhe për austriakët, shkruan kurier.at.
Të dhënat e regjistrimit i përcillen automatikisht autoritetit administrativ të qarkut përgjegjës në vendbanimin tuaj në Austri. Sipas autoriteteve austriake, kjo do ta bëjë më të lehtë kontrollimin e karantinës dhe lehtësimin e gjurmimit të kontaktit. Të dhënat tuaja do të fshihen 28 ditësh pas hyrjes në Austri. Gjatë ndonjë kontrolli, konfirmimi i regjistrimit duhet të paraqitet në mënyrë elektronike apo të shtypet si letër, transmeton.at.
Karantina vazhdon të jetë në fuqi
Detyrimi i karantinës pas hyrjes në Austri vazhdon të jetë ende në fuqi deri në një njoftim tjetër. Karantina është dhjetë ditë, ndërkohë pas pesë ditësh nëse ju paraqiteni një test ku vërtetohet se jeni negative ndaj koronavirusit, atëherë liroheni nga karantinimi.
Ekzistojnë përjashtime si nga karantina ashtu edhe nga detyrimi për regjistrim, për udhëtarët që kalojnë çdo ditë kufirin për të punuar si dhe për njerëzit që udhëtojnë për shkak të një çështje urgjente familjare e cila është urgjente apo që nuk mund të shtyhet për ndonjë datë tjetër, siç është bie fjala varrimi.
Shtetet që përjashtohen nga detyrimi i karantinës, por jo nga regjistrimi elektronik janë: Australia, Finlanda, Greqia, Islanda, Japonia, Zelanda e Re, Norvegjia, Singapori, Koreja e Jugut dhe Vatikani.
Këtu mund ta gjeni formularin online të udhëtimit për në Austri
Të tjera nga Lajme
E-Diaspora
-
Granit Xhaka është pjesë e formacionit më të mirë të vitit në Bundesliga Ylli shqiptar i Bayer Leverkusenit, Granit Xhaka, ka përfunduar si pjesë e formacionit më të mirë... -
Përfundojnë pritjet në kufirin Kroaci-Serbi -
Nga llamba e vajgurit tek energjia që ndriçon Zvicrën, rruga frymëzuese e Xhevdet Gashit dhe ALBASOLAR -
“K’cimi i Tropojës”, piktori Gazmend Freitag dhe magjia e trashëgimisë kulturore shqiptare -
Gjykata Federale ndalon dëbimin e kosovarit: Djali i tij është invalid i rëndë
Jeta në Zvicër
-
Mediat: Shërbimet mjekësore zvicerane të bëra jashtë vendit faturohen me tarifa zvicerane Në Zvicër, shërbimet mjekësore të kryera jashtë vendit faturohen me tarifa zvicerane, pavarësisht se kushtojnë më... -
Anëtari i ekuipazhit zviceran ende në kujdes intensiv pas uljes urgjente në Austri -
Ulja emergjente e avionit zviceran në Graz është shkaktuar nga një problem teknik -
Berna ka përditësuar, në internet, hartën e saj të rreziqeve sipas qyteteve të kantonit -
Sa e rëndësishme është marrëveshja e BE-së për ekonominë tonë të eksportit?
