Kosova
Kurti sërish me thirrje për diasporën
I pari i qeverisë kosovare, tha se duke u regjistruar si qytetar jorezident është mundësi për të “forcuar lidhjen” me atdheun
Kryeministri i Kosovës, Albin Kurti, u bëri thirrje qytetarëve jorezident të Kosovës, për t’u regjistruar përmes platformës online e-Diaspora.
Ai gjatë thirrjes së tij përmes një video në Facebook, mërgatën e cilësoi si pjesë të pandashme të Kosovës.
I pari i qeverisë kosovare, tha se duke u regjistruar si qytetar jorezident është mundësi për të “forcuar lidhjen” me atdheun, transmeton albinfo.ch.
“Procesi i regjistrimit si qytetarë jo rezident të Republikës së Kosovës është mundësia juaj për të forcuar lidhjen me atdheun. Duke u regjistruar, ju bëheni pjesë aktive e ndërtimit të së ardhmes së Kosovës dhe të vetë mërgatës. Përdorni të drejtën tuaj kushtetuese dhe regjistrohuni online përmes platformës e-diaspora deri më 31 gusht 2024”, u shpreh Kurti.
Njeriu që mbi supe e ka udhëheqjen e qeverisë, thotë se regjistrimi është i shpejtë dhe i lehtë, por me ndikim të madh.
“E krahas platformës e-diaspora, ju mund të informoheni dhe sipas nevojës edhe të ndihmoheni për t’u regjistruar, në objektet e komunave rajonale të Kosovës, nga zyrtarët e Agjencisë së Statistikave të Kosovës. Regjistrimi është i shpejtë dhe i lehtë, por me ndikim të madh. Të dhënat tuaja do të ndihmojnë në krijimin e politikave që mbështesin mërgatën, përmirësojnë shërbimet, si dhe forcojnë lidhjet kulturore dhe arsimore me atdheun”, deklaroi Kurti.
E-Diaspora
-
Arbela Statovci: Një zë për integrimin, arsimin dhe sipërmarrjen Arbela Statovci po kandidon për zgjedhjet lokale të Bernës që mbahen më 24 nëntor të këtij...
-
18-vjeçarja shqiptare hap në Gjermani një ëmbëltore vetëm për gra
-
Në Hanau, hapet shkolla për mësim plotësues në gjuhën shqipe
-
Dua Lipa fiton një çmim në “MTV Video Music Awards”
-
Elite Roadshow, një shans unik për afaristët shqiptarë
Jeta në Zvicër
-
Arbela Statovci: Një zë për integrimin, arsimin dhe sipërmarrjen Arbela Statovci po kandidon për zgjedhjet lokale të Bernës që mbahen më 24 nëntor të këtij...
-
60,000 gabime spitalore çdo vit në Zvicër
-
Elite Roadshow, një shans unik për afaristët shqiptarë
-
Zvicër: Bora e parë është afër – kur do të ngrohet përsëri?
-
Këshilli i Bazelit miraton buxhetin e Eurovisionit prej 35 milionë frangash