Kosova
Kurti: Kosova, vendi i parë që ka avancuar me hapat e nevojshëm
Kryeministri Albin Kurti ka dhënë detaje lidhur me drekën e punës të shtruar në Bruksel nga Presidentja e Komisionit Evropian bashkë me liderët e tjerë të Ballkanit Perëndimor, ku kanë diskutuar për Planin e Rritjes.
Ai ka thënë Kosova është vendi i parë që ka avancuar me hapat e nevojshëm, si dorëzimi i Agjendës së Reformave që ka qenë kriter për të përfituar nga ky plan.
Tutje, Kurti ka thënë se anëtarësimi në Bashkimin Evropian mbetet objektiv i qartë i Kosovës.
“Hapin e parë formal të aplikimit e kemi bërë dhjetorin e vitit 2022, dhe bashkë me rikthimin e zgjerimit në agjendën e Bashkimit Evropian, është koha e duhur që Kosova të marrë statusin e merituar të vendit kandidat. Kemi përmbushur shumë reforma, kemi treguar përkushtim të palëkundur ndaj vlerave evropiane e demokratike si dhe nivel të lartë të përgatitjes institucionale. E dëshmuam këtë edhe me Planin e Rritjes, ku jemi vendi i parë që kemi avancuar me hapat e nevojshëm, si dorëzimi i Agjendës së Reformave”, ka shkruar Kurti.
Në fund ka thënë se zgjerimi i Bashkimit Evropian, sidomos pas agresionit ushtarak rus në Ukrainë, është përgjigjja më e mirë për të gjithë ata që kërcënojnë sigurinë, paqen dhe unitetin e Evropës.
Plani i Rritjes për Ballkanin Perëndimor do të mbulojë periudhën midis vitit 2024 dhe 2027.
Plani i Rritjes arrin shumën prej gjashtë miliardë eurosh për vendet e rajonit. Nga kjo shumë, dy miliardë janë në formë granti, ndërsa katër miliardë euro janë në formë kredie me këste shumë të favorshme.
Në deklaratën e lëshuar nga Këshilli i BE-së, theksohet se qëllimi kryesor është mbështetja për harmonizimin e partnerëve nga Ballkani Perëndimor me vlerat, ligjet, rregullat, standardet, politikat dhe praktikat e BE-së, me qëllim të anëtarësimin e ardhshëm në BE, si dhe integrimin progresiv të tyre në një treg të vetëm evropian, si dhe konvergjencën socio-ekonomike me BE-në.
Burimet financiare janë planifikuar për të mbështetur një sërë reformash socio-ekonomike dhe themelore, duke përfshirë reformat që lidhen me sundimin e ligjit dhe të drejtat themelore.
E-Diaspora
-
Zvicër
Ema Hoti, finaliste në “Miss Universe Switzerland” Shqiptarja Ema Hoti është përzgjedhur finaliste nga 250 vajza që ishin konkurrente ...
-
Stokholm: Petrit Gora, drejtor i REX i Animation Film Festival
-
Itali: Vallja shqiptare doli fituese e festivalit folklorik internacional
-
Filmi “Pikë uji” është përzgjedhur për të përfaqësuar Shqipërinë në garën për Oscar
-
Sylë Mujaj, ekspozitë në Paradiso (Lugano): Arti që kalon kufijtë kombëtarë
Jeta në Zvicër
-
Festivali i Filmit i Cyrihut, me premiera dhe yje të shumtë Festivali i njëzet i Filmit në Cyrih fillon muajin e ardhshëm – me premierë dhe yje....
-
Shumë shpejt udhëtimi me tren që lidh Cyrihun me Romën dhe Barcelonën
-
Të dielën, votuesit zviceranë shkojnë drejt qendrave të votimit
-
Kievi, ‘i zemëruar’ me shfaqjen e filmit rus të luftës në Zvicër
-
Granit Xhaka i lumtur me skuadrën: Të luash kështu si mysafir, është e jashtëzakonshme