Lajme
Fotografi zviceran, në kërkim të fëmijëve shqiptarë, të fotografuar në vitet `90
Ata që duan të shohin “rezultatin” e këtyre kërkimeve, mund të kënaqin kureshtjen duke parë filmin "Ku jeni ju", që shfaqet këtë të diele, më 3 dhjetor, në Olten

Hans Peter Jost është një fotograf zviceran. Ai, në fillim të viteve `90 të shekullit të kaluar, menjëherë pas ndryshimeve demokratike që ndodhën në Shqipëri, kishte bërë shumë udhëtime nëpër vendin deri atëherë, të panjohur, për të zbuluar pamje nga realiteti i rëndë nëpër të cilin po kalonte Shqipëria.
Ai ka realizuar tashmë edhe disa libra në të cilët ka përmbledhur fotografi të zgjedhura nga kjo periudhë. Libri i tij “Albania in between” ka fituar disa çmime të rëndësishme në hapësirën gjermane, për kualitetin e faqosjes, si libër fotografish.
E porsa çliruar nga izolimi 45 vjeçar, vendi po vuante nga një tranzicion i rëndë, shoqëruar me varfëri dhe kaos politik e shoqëror, shkruan albinfo.ch. E gjithë kjo jepte një lëndë interesante për tu fotografuar, dhe për të përjetësuar kështu me objektivin e aparatit fotografik ndryshimet që po kalonte Shqipëria.
Një nga “kult fotografitë” e kësaj periudhe, ku shihet një grup fëmijësh në një gjendje të mjerueshme, diku në veriun shqiptar, është bërë shkas që rreth 30 vite më vonë Jost të realizojë një film dokumentar. Me titullin simptomatik “Ku jeni ju” (where are you), autori pasqyron, tani përmes gjuhës filmike, përpjekjet e tij për të gjetur ku janë dhe ç` bëjnë sot, këta ish fëmijë, ndërkohë që në Shqipëri kanë ndodhur ndryshime të mëdha.
Ata që janë të interesuar të shohin “rezultatin” e këtyre kërkimeve, mund të kënaqin kureshtjen e tyre duke parë filmin, që shfaqet këtë të diele, më 3 dhjetor, në Olten.
Mbrëmjet e fotografimit dhe videove tashmë zhvillohen të dielave në mbrëmje nga ora 19:00.
Filmi shfaqet në kuadrin e aktivitetit PHOTOSTREAM OLTEN #52, që mbahet në Galicia Bar Olten, Unterführungsstrasse 20, 4600 Olten.
(Foto: Hans Peter Jost ©)
E-Diaspora
-
Finalizohen tekstet mësimore të gjuhës shqipe dhe kulturës shqiptare për diasporën Tekstet mësimore për diasporën “Gjuha shqipe dhe kultura shqiptare” tashmë janë finalizuar për fëmijët shqiptarë në...
-
Iftari i bashkimit: “ Xhamia Shqiptare Shtëpia e Paqes” dhe Kisha Reformiste së bashku në sofrën e Iftarit
-
Qorrolli: Janë manipuluar votat me postë nga diaspora
-
Shoqata e Studentëve Shqiptarë të Lozanës feston 30 vjetorin me një mbrëmje gala
-
Një hap më afër suksesit: swissalbs lidh studentët dhe liderët e industrisë
Jeta në Zvicër
-
Pasojat ekonomike të divorcit në Zvicër prekin kryesisht gratë Sipas një studimi të kryer nga Universiteti i Shkencave të Aplikuara dhe Arteve në Bern, të...
-
Buxheti federal në presion nga borxhi, tepricat dhe Pensioni i 13-të i AHV-së
-
Shumica e zvicranëve mbështesin marrëdhëniet me BE-në
-
Rritja e antisemitizmit në Zvicër: Raporti i 2024 zbulon një situatë alarmante
-
Zvicër: Aksidentohet vetura e ushtrisë, disa të lënduar