Kosova

Kosovë: Vdes një person i infektuar me koronavirus

Ai ishte duke u trajtuar në Klinikën Infektive

E shtunë, 13 Qershor 2020 - 13:52 albinfo.ch

Klinika Infektive në Qendrën Klinike Universitare të Kosovës ka njoftuar se ka ndërruar jetë një person 71-vjeçar si pasojë e virusit COVID-19.

Viktima nga komuna e Prizrenit kishte edhe sëmundje të tjera shoqëruese, thuhet në njoftim.

“Në Klinikën Infektive në QKUK, sot, më 13.06.2020, janë të hospitalizuar 32 raste me Covid-19. Gjendja e pacientëve të sëmurë me Covid -19 është si vijon; 18 raste janë në gjendje stabile. 12 raste janë duke u trajtuar në repart me oksigjenoterapi dhe përkujdesje intensive”, thuhet në njoftim.

Me shifrat e fundit, numri i përgjithshëm i të infektuarve me koronavirus në Kosovë ka arritur në 1,384.

Prej tyre, 921 pacientë janë shëruar dhe 32 kanë vdekur.

 Të tjera nga Kosova

Kurti për gazeten zvicerane Qëllimi i Serbisë është hakmarrja, duhet të jemi të përgatitur për këtë

 E-Diaspora

 Jeta në Zvicër