Kosova
Kosovë: Siguria në punë, sfidë për punëtorët kosovarë
![](https://www.albinfo.ch/wp-content/uploads/2021/03/446559901_highres.jpg)
Siguria në punë vazhdon të jetë problem për punëtorët kosovarë. Mbrëmë, një person ka vdekur në vendin e tij të punës. E, sipas Inspektoratit të Punës, gjatë këtij viti, tetë persona kanë përfunduar me fatalitet nga aksidentet që kanë pësuar në vendet e punës. Ndërsa, nga Sindikata e Sektorit Privat thonë se gjatë këtij viti në vendin e punës jetën e kanë humbur 23 persona.
Një person nga Prishtina ka humbur jetën në vendin e punës këtë të diele. Viktima, mashkull kosovar, kishte pësuar lëndime trupore pasi e kishin zënë disa panele druri, thuhet në raportin 24-orësh të Policisë, ku theksohet se vdekja e viktimës është konstatuar nga mjeku kompetent në Qendrën e Mjekësisë Familjare në Prishtinë.
Në raportin e Policisë tutje thuhet se “njësitë relevante policore kanë dalë në vendin e ngjarjes, ndërsa me urdhër të prokurorit trupi i pajetë i viktimës është dërguar në Institutin e Mjekësisë Ligjore për obduksion”. Kjo vepër, nga Policia është cilësuar “asgjësim, dëmtim ose heqja e pajisjeve mbrojtëse dhe rrezikimi i sigurisë në vendin e punës”.
Gjatë këtij viti, tetë persona kanë humbur jetën në vendin e tyre të punës, kanë bërë të ditur për Radio Kosovën nga Inspektorati i Punës
“Sipas të dhënave që posedon Inspektorati i Punës për aksidentet me pasojë fatalitet, për punëtorët në vendet e tyre të punës, deri tani numri i tyre është tetë. Këto janë aksidente të lajmëruara dhe të inspektuara të cilat kanë rezultuar se kanë ndodhur si shkak i kushteve të pasigurta në punë ose veprimeve të pasigurta në punë, gjatë ushtrimit të veprimtarisë së punës”, ka thënë në një përgjigje me shkrim Agim Millaku, zëvendës kryeinspektor për Siguri në Punë.
Kryetari i Sindikatës së Sektorit Privat, Jusuf Azemi, thotë se numri i të vdekurve në vendpune është shumë më i lartë se të dhënat që i posedon Inspektorati i Punës.
“Me rastin e punëtorit që dje ka vdekur, numri i punëtorëve të vdekur në vendin e punës ka arritur në 23, për të cilët ne kemi të dhëna të sakta si; emri e mbiemri, vendi e data kur ka ndodhë, apo edhe cila ka qene mosha e tyre. Arsyeja pse ky numër po rritet është se në tregun e punës po hyjnë punëtorë të pakualifikuar e të pa përgatitur për rrezikun që mund t’u kanoset në punë. Por, shkak tjetër është edhe mos gatishmëria e punëdhënësve që të merren më seriozisht me këtë problematikë”, tha ai për rtk, përcjell albinfo.ch.
Sipas Azemit, mosha mesatare e 23 viktimave që kanë humbur jetën në vendin e punës është 37 vjet. Në këtë situatë, ai thotë se duhet të ketë më shumë kontrolle, sidomos në ndërtimtari, ku duhet rritur siguria në punë.
Referuar të dhënave të Inspektoratit të Punës, gjatë vitit 2022, në vendin e punës kanë humbur jetën 15 persona. Ndërkohë ishin regjistruar edhe 394 aksidente në vendin e punës, ku pësuan lëndime të rënda a të lehta një numër i konsiderueshëm punëtorësh nga e gjithë Kosova.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë