Lajme
Kosovë: Realizohet dita e parë e vizitës nga përfaqësuesit e Forumit të ndërtimtarisë Zvicër-Kosovë
Gjatë ditës së parë, përfaqësuesit zviceranë u ndan të kënaqur sa i përket ndryshimit dhe zhvillimit që ka pësuar Prishtina dhe specifikisht bizneset në fushën e ndërtimtarisë, mobilerisë e dizajnit, si dhe u impresionuan nga programet e kompanive teknologjike
![](https://www.albinfo.ch/wp-content/uploads/2023/06/image00011-1-587x391.jpg)
Në kryeqytetin e Kosovës, Prishtinë, po zhvillohet vizita mes ndërmarrësve prestigjiozë zvicranë dhe kompanive kosovare nga sektori i ndërtimtarisë dhe teknologjisë.
Ky projekt rrodhi pas suksesit të bashkëpunimit dhe hapjes së dyerve të reja për marrëveshje pune gjatë Forumit të ndërtimtarisë Zvicër-Kosovë që u mbajt në dhjetorin e vitit 2022 në Lausanne.
![](https://www.albinfo.ch/wp-content/uploads/2023/06/image00002.jpg)
Platforma mediale albinfo.ch online&print, nën drejtimin e Sevdail Tahirit dhe Bashkim Isenit, si përfaqësues të strukturës Swissko ftuan ndërmarrësin e njohur shqiptar, Avni Orllati, (ORLLATI group) që t’i bashkohet iniciativës për të vizituar Kosovën, bashkë me delegacionin e drejtuesve të bizneseve të mëdha zvicerane, lideret; Sebastien Lamuniere, CEO i Edipresse Groupe SA, Pierre Lamuniere, CEO i Lamuniere Holding SA ,Jean-Marc Probst, Drejtor i Probst Group Holding SA dhe Pierre-Marcel Favre nga Editions Favre.
Bashkorganizator të këtij projekti janë USAID, që kanë planifikuar agjendën e kësaj vizite me qëllim njohje të potencialit të kompanive kosovare: çka ofrojnë ato, kapacitetin ekonomik si dhe mundësitë e bashkëpunimit mes Zvicrës dhe Kosovës.
Të enjten e datës 22 qershor ky delegacion ka vizituar në objektet e tyre të punës kompanitë: Metdan, Starlabs, Speex dhe Kutia, të cilat shpalosën programet e tyre, arritjet dhe planet mbi zhvillimin e mëtutjeshëm në sektorin e teknologjisë (I.T).
![](https://www.albinfo.ch/wp-content/uploads/2023/06/image00039.jpg)
Ndërsa tutje, për t’u familjarizuar me historinë, vizita vazhdoi te Muzeu Kombëtar dhe pastaj te godina e mediumit Klan Kosova, me qëllimin e prezantimit të një aspekti tjetër, po ashtu të rëndësishëm, që ka media në zhvillimin e marrëdhënieve të mira mes dy shteteve.
Gjatë ditës së parë përfaqësuesit zviceranë u ndan të kënaqur sa i përket ndryshimit dhe zhvillimit që ka pësuar Prishtina dhe specifikisht bizneset në fushën e ndërtimtarisë, mobilerisë e dizajnit, si dhe u impresionuan nga programet e kompanive teknologjike, duke dhënë kështu sinjale që japin dritën e gjelbër për të krijuar marrëdhënie pune, të cilat do të shërbenin për të krijuar linjën e hyrjes në tregun konkurrues zviceran.
Vizita do të vazhdojë edhe përgjatë ditës së premte me takime të shumta mes delegacionit dhe kompanive që janë të gatshme t’i prezantojnë vlerat, produktet dhe shërbimet me cilësi të lartë.
Autore: Alisa Buzhala
![](https://www.albinfo.ch/wp-content/uploads/2023/06/image00044.jpg)
![](https://www.albinfo.ch/wp-content/uploads/2023/06/image00024.jpg)
![Vizitë në kompaninë Metdan në Prishtinë](https://www.albinfo.ch/wp-content/uploads/2023/06/image00016.jpg)
![](https://www.albinfo.ch/wp-content/uploads/2023/06/image00062.jpg)
![](https://www.albinfo.ch/wp-content/uploads/2023/06/image00071.jpg)
![](https://www.albinfo.ch/wp-content/uploads/2023/06/image00048.jpg)
![](https://www.albinfo.ch/wp-content/uploads/2023/06/image00032.jpg)
![](https://www.albinfo.ch/wp-content/uploads/2023/06/image00052.jpg)
![](https://www.albinfo.ch/wp-content/uploads/2023/06/image00066.jpg)
![](https://www.albinfo.ch/wp-content/uploads/2023/06/image00007-1.jpg)
![](https://www.albinfo.ch/wp-content/uploads/2023/06/image00038.jpg)
![](https://www.albinfo.ch/wp-content/uploads/2023/06/image00061.jpg)
![](https://www.albinfo.ch/wp-content/uploads/2023/06/image00059.jpg)
![](https://www.albinfo.ch/wp-content/uploads/2023/06/image00058.jpg)
![](https://www.albinfo.ch/wp-content/uploads/2023/06/image00046.jpg)
Foto: Leotrim Canaj
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë