Kosova
Kosovë: Nga 700 të vendosur në karantinë, vetëm tri raste pozitive me COVID 19
Nga 700 të vendosur në karantinë te Qendra Studentore, deri tani vetëm tri raste ishin pozitive me COVID-19
Rreth 2 mijë kosovarë, të cilët gjendeshin jashtë vendit, kanë kërkuar kthimin në Kosovë. Ministritë përkatëse, të cilat po përkujdesen që bashkë me ambasadat e Kosovës nëpër vendet e huaja, kanë trajtuar kërkesat emergjente si fillim për kthimin e shumë prej tyre.
Teksa po vazhdon kthimi i kosovarëve nga vendet e huaja, të njëjtit po vendosen në Qendrën Studentore në Prishtinë, për t’u karantinuar për 14 ditë radhazi.
Dje nga Zvicra e sot nga Turqia gjithsej abë afro 300 të kthyer brenda dy ditëve në vend.
Ministri i Infrastrukturës dhe Ambientit, Lumir Abdixhiku, tha se është mirë t’u jepet hapësirë rasteve emergjente shëndetësore, të cilat nuk kanë më mundësi qëndrimi atje.
Por ai tha se e mira është që nga 700 të vendosur sa ishin në karantinë, vetëm tri raste ishin pozitive me COVID-19, raportojnë mediat atje, përcjellë albinfo.ch.
Ministri tha se u kanë bërë thirrjet të gjithë kosovarëve që janë jashtë vendit, që secili i ri apo e re që kanë kushte qëndrimi atje të mos marrin rrugën për Kosovë, tani për tani.
“Pasi e bën situatën të vështirë, pra t’u japim hapësirë rasteve emergjente shëndetësore.
Ajo çfarë kemi vërejtur nga ky kthim është se nga 700 të vendosur në karantinë vetëm tri ishin pozitive dhe asnjë prej tyre nuk ka infektuar të tjerët përreth që do të thotë se karantinimi ka funksionuar mirë të kthyerit e tanishëm për pjesën më të madhe të dy javëve të fundit ishin në vetizolim, prandaj pritjet për kthimin e tyre janë më të sigurta. Bashkë me ministritë e tjera jemi duke punuar për kthimin e 100 qytetarëve tanë nga Amerika, ky organizim është më i veçantë, sepse përveç që është më i largët, nënkupton edhe ndalesa nëpër aeroporte të ndryshme, do të isha i lumtur që ky fluturim të realizohet gjatë këtij muaji dhe do të ishte fluturimi i 10 në kthimin e qytetarëve në Kosovë”, përfundoi ai.
Të ngjashme
Të tjera nga Kosova
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
Miratohet udhëtimi me autobus rajonal ndërmjet Italisë dhe Zvicrës Pasagjerët në shërbimet publike rajonale të autobusëve midis Italisë dhe Zvicrës do të mund të hipin...
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë
-
Gjykata Federale: Një sulm ‘i vogël’ seksual nuk mund të shkurtojë dënimin me burg
-
Cilat kantone në Zvicër kanë pagën minimale më të lartë?