Kosova
Kosovë, mbi 1 mijë punëtorë shëndetësorë të infektuar me Covid
Është bërë e ditur se që nga shfaqja e pandemisë COVID-19 në Kosovë mbi një mijë e 200 punëtorë shëndetësorë janë infektuar me këtë virus.
Vetëm gjatë këtyre gjashtë muajve, 485 mjekë brenda klinikave dhe spitaleve publike u infektuan me Coronavirus, e 200 prej tyre vazhdojnë të jenë raste aktive.
Ndërkaq, vetëm 11 të tjerë janë jashtë institucioneve shëndetësore.
Në mesin e mjekëve të cilët po përballen me këtë virus është edhe drejtori i Klinikës së Emergjencës, Basri Lenjani, e cili tash e 6 ditë gjendet në vetizolim bashkë me gruan e tij dhe djalin, të cilët rezultuan pozitivë në testet për Covid-19.
Derisa Lenjani thotë të jetë i shqetësuar me numrin e madh të stafit shëndetësor të cilët po infektohen nga ky virus, bën thirrje që gjatë izolimit të infektuarit të kenë kujdes të shtuar me shëndetin mendor.
Federata Sindikale e Shëndetësisë numrin e madh të mjekëve që u infektuan gjatë kësaj periudhe e cilëson si shqetësues.
Sipas udhëheqësve të FSSH-së, betejën me Covid-19 po e humbin edhe mjekët të cilët nuk janë drejtpërsëdrejti të lidhur me trajtimin e pacientëve të infektuar.
E më shumë se mjekët gjatë kësaj kohe u infektuan infermierët nga ky virus.
Mbi 700 infermierë rezultuan pozitivë me Covid-19 që nga fillimi i pandemisë. Ndërsa numri i lartë i të infektuarve u shënua gjatë korrikut, ku u infektuan 200 infermierë gjatë punës së tyre nëpër klinika e spitale, raporton Koha.
Gjatë kësaj periudhe, në mesin e stafit shëndetësor u infektuan edhe 34 farmacistë të infektuar, 14 fizioterapeutë, dhe 13 teknikë të farmacisë.
Ndërsa të enjten, në orën 21:00, në shenjë nderimi për vdekjen e të gjithë mjekëve gjatë kësaj kohe nga Covid-19, Oda e Mjekëve të Kosovës u ka bërë thirrje mjekëve dhe kanë ndezur qirinj në shenjë respekti për ta.
Të ngjashme
Të tjera nga Kosova
E-Diaspora
-
Debat me kryeministrin Kurti në Universitetin e St. Gallenit Debati (në gjuhën angleze) do të moderohet nga Prof. Dr. Christoph Frei, profesor i njohur i...
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
-
Pas Gjermanisë, Kurti takon mërgatën në Francë
Jeta në Zvicër
-
Cyrihu do të rrisë tarifat e parkimit për makinat e rënda Çmimi i lejes së parkimit të rezidentit të ‘zonës blu’ në Cyrih do të varet nga...
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë
-
Gjykata Federale: Një sulm ‘i vogël’ seksual nuk mund të shkurtojë dënimin me burg
-
Cilat kantone në Zvicër kanë pagën minimale më të lartë?
-
Primet e sigurimeve shëndetësore janë rritur 40 për qind në 10 vjetët e fundit