Kosova
Kosova shënon rritje të korrupsionit
Kosova dhe Shqipëria, asnjë përparim në luftën kundër korrupsionit
Indeksi i Perceptimit të Korrupsionit për vitin 2020 publiokoi një raport të fundit lidhur me korrupsionin në shtetet e botës.
Indeksi radhit çdo vit 180 shtete dhe territore të botës në bazë të nivelit të perceptuar të korrupsionit në sektorin publik. Ai përdor një metodologji pikësh, sipas së cilës zero tregon për një vend shumë të korruptuar, ndërsa 100 për një vend të pastër nga kjo dukuri, transmeton albinfo.ch.
Duhet theksuar se Kosova këtë vit është radhitur e 104-ta me 36 pikë, duke shënuar përkeqësim në luftën e korrupsionit, meqë ka rënë për tri pozita më poshtë sesa vitin e kaluar.
Nga ana tjetër, Shqipëria, ndonëse ndan numrin e njëjtë të pikëve dhe renditjes me Kosovën, ka shënuar përparim në këtë drejtim, duke u ngritur për dy pozita më lart sesa vitin e kaluar.
Ndërsa sa u përket vendeve të tjera të rajonit, Maqedonia e Veriut dhe Bosnjë e Hercegovina ndajnë pozitën 111, Serbia vendin e 94-t, Mali i Zi 67 dhe Kroacia 63.
Në listën e vendeve që duhen vëzhguar këtë vit është përfshirë Serbia.
Sipas raportit, sfidat më të mëdha të këtij shteti janë çështjet e lidhura me sundim të ligjit, gërryerje të demokracisë dhe përpjekje për të heshtur zërat kritikë.
“Si përgjigjje ndaj COVID-19, Serbia ka marrë hapa kontrovers, përfshirë pezullimin e Parlamentit, zbatimin e orëve të zgjatura policore dhe nxitjen e dhunës kundër protestuesve. Përveç kësaj, policia ka arrestuar dhe ndaluar një gazetare hulumtuese, ndërkohë që qeveria ka kufizuar qasjen në informacione mbi prokurimin e pajisjeve mjekësore dhe është kërcënuar kundër punëtorëve shëndetësorë, të cilët kanë kritikuar përgjigjen e saj ndaj krizës publike shëndetësore”, është thënë në raport. /Albinfo.ch
Të ngjashme
Të tjera nga Kosova
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
Studimi: Zviceranët janë në favor të zgjerimit të rrugëve E mbështetur nga Parlamenti dhe Këshilli Federal, faza e zhvillimit të rrugëve kombëtare për vitin 2023...
-
Bernë: Këshilli Bashkiak jep sinjalet e para pro pilot-projektit për të ardhurat e pakushtëzuara
-
Zona e pushimit Würenlos nis me kontrollet e hyrjes
-
Inteligjenca artificiale mund të ndihmojë në zbulimin e baktereve rezistente ndaj antibiotikëve
-
Cyrihu vs Gjeneva: Cili është qyteti më ‘zviceran’?