Lajme
Kosova ka nevojë për mbështetjen e mëtejme të GIZ-it
Ministri i Jashtëm i Kosovës, Enver Hoxhaj i ka falënderuar përfaqësueset e GIZ për mbështetjen e vazhdueshme për zhvillimin e Kosovës që nga viti 1999, në sektorë të ndryshëm. Ai tha se Kosova ka nevojë ende për GIZ-in
![](https://www.albinfo.ch/wp-content/uploads/2016/10/giz-587x391.jpg)
Republika e Kosovës ka nevojë për mbështetjen e mëtejme të GIZ-it ((Deutsche Gesellschaft für Internationale Zusammenarbeit), përmes projekteve konkrete për arritjen e prioriteteve të politikës së jashtme të Kosovës për rrugëtimin në procesin e integrimeve evropian.
Kështu ka deklaruar ministri i Punëve të Jashtme i Republikës së Kosovës, Enver Hoxhaj gjatë një takimi që ka zhvilluar me udhëheqësen e ekipit të Mbështetjes së Procesit të Integrimit Evropian në Kosovë nga GIZ dhe përfaqësuesen e Ambasadës së Gjermanisë në Prishtinë, Henriette Kotter.
Hoxhaj i ka falënderuar përfaqësueset e GIZ, duke kujtuar përkrahjen e tyre të vazhdueshme për zhvillimin e Kosovës që nga viti 1999, në sektorë të ndryshëm si, në arsim, ekonomi, shëndetësi dhe bujqësi.
Duke iu referuar bashkëpunimit me institucionet e linjës në fushat e lartpërmendura dhe përfitimit të gjithëmbarshëm nga përkrahja e GIZ, ministri Hoxhaj ka vlerësuar se Kosova mund të përfitojë nga projektet e GIZ edhe në avancimin e politikës së jashtme të Kosovës dhe në proceset integruese.
Ministri Hoxhaj ka thënë se MPJ do të angazhohet që në koordinim me partnerët e saj të përfitojë nga ekspertiza që mund ta ndihmojnë zhvillimin e Kosovës.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë