Kosova
Kosova i dorëzoi në Bruksel komentet mbi planin e sekuencimit
![](https://www.albinfo.ch/wp-content/uploads/2017/10/qeveria-e-kosoves-ndertesa-587x390.png)
Qeveria e Kosovës i ka dorëzuar në Bruksel komentet mbi dokumentin e planit të sekuencimit të marrëveshjes për normalizim të marrëdhënieve me Serbinë, përcjell albinfo.ch.
Lajmin e ka konfirmuar këshilltari i kryenegociatorit të Kosovës, Besnik Bislimi, Klisman Kadiu.
“Qeveria e Kosovës i ka dërguar komentet e saj në Bruksel, sipas afatit. Po, komentet janë dërguar sipas afatit të paraparë, që ka qenë dje, 18 korrik”, ka thënë Kadiu.
Një ditë më parë, kryeministri i Kosovës, Albin Kurti, lidhur me dialogun tha se në vend që të kenë kërkesa për zbatim të marrëveshjes, duhet të kenë respektim të saj.
Ai tha se nuk do të mund të kenë zbatim të vërtetë e as të qëndrueshëm, nëse nuk do të kenë respektim të sinqertë e serioz të marrëveshjes.
Tutje Kurti bëri të ditur se Serbia ka shkelur marrëveshjen, siç u shpreh ai, për çdo javë, prej se është pranuar në shkurtin, përkatësisht në marsin e vitit të kaluar, duke kulmuar me atë letrën e Bernabiqit, atë kohë kryeministre e Serbisë, në mes të muajit dhjetor drejtuar shteteve anëtare të BE-së, ku thuhej se për Serbinë nuk vjen në konsiderim pavarësia për Kosovën, ulësja në OKB dhe integriteti territorial i Kosovës etj.
Ai bëri të ditur se ekipi i zëvendëskryeministrit Besnik Bislimi është duke punuar edhe tani për çështjen e dialogut, në mënyrë që t’i përgjigjet Brukselit në mënyrë adekuate e të merituar.
Në takimin e fundit në Bruksel nuk ka pasur ndonjë përparim në zbatimin e Marrëveshjes.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë