Lajme
Kosova dhe Zvicra, do të thellojnë bashkëpunimin në drejtësi
Kosova dhe Zvicra kanë bashkëpunim të shkëlqyer, mbi bazën e ndihmës së ndërsjellë juridike të fushës civile dhe penale si dhe ekstradimet mbi besimin reciprok
![](https://www.albinfo.ch/wp-content/uploads/2016/12/ambasadori-i-ch-587x391.jpg)
Autoritetet kosovare dhe ato zvicerane janë dakorduar, që përmes marrëveshjeve dypalëshe, t’i lehtësojnë procedurat dhe të sigurojnë bazë të mirë ligjore për çështjet civile dhe penale. Kështu u tha në takimin që zhvilloi ministrja e Drejtësisë, Dhurata Hoxha me ambasadorin e konfederatës së Zvicrës në Republikën e Kosovës, Jean-Hubert Lebet.
Të dy përfaqësuesit diskutuan për bashkëpunimin e shkëlqyer deri më tani dhe gatishmërinë e dyanshme për thellimin e këtij bashkëpunimi.
“Përmes marrëveshjeve dypalëshe për ndihmë juridike të ndërsjellë dhe ekstradim, do t’i definonim, harmonizonim, lehtësonim procedurat dhe do te siguronim një bazë të mirë ligjore për ndihmë të ndërsjellë në çështjet civile dhe penale”, theksoi ministrja Dhurata Hoxha.
Ajo në takim theksoi se Kosova ka marrëdhënie të shkëlqyera me Zvicrën dhe falënderoi ambasadorin për mbështetjen e vazhdueshme që ofron ky vend mik për drejtësinë. Sipas saj, Kosova dhe Zvicra, në lëmin e Drejtësisë bashkëpunojnë mbi bazën e marrëveshjeve dypalëshe.
Ambasadori Jean-Hubert Lebet, ndërkaq theksoi se përkrahja dhe mbështetja e mëtejme për fuqizimin e sundimit të ligjit si dhe bashkëpunimit bilateral do të thellohet, dhe vuri në dukje se rruga integruese e Kosovës është rrugë e duhur dhe Zvicra ofron përkrahjen e fuqishme në këtë proces.
Republika e Kosovës dhe Konfederata Zvicerane, kanë bashkëpunim të shkëlqyer, mbi bazën e ndihmës së ndërsjellë juridike të fushës civile dhe penale si dhe ekstradimet mbi besimin reciprok.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë