Nga ana tjetër, ministri i Mbrojtjes së Kosovës, Armend Mehaj, tha se kanë miratuar bazën ligjore për koordinimin e aktiviteteve ushtarake të dy vendeve.

“Kam kënaqësinë të prezantoj arritjen e marrëveshjes midis Ministrisë së Mbrojtjes së Republikës së Shqipërisë dhe Ministrisë së Republikës se Kosovës, një bashkëpunim në fushën e mbrojtjes. Njëra prej marrëveshjes që e kemi diskutuar e arritur së bashku është realizimi i aktiviteteve të përbashkëta në nivel profesional, pra akademinë në mes dy ministrive, është koordinimi i këshillimit nga ana e ekspertizës nga Ministria e Mbrojtjes së Shqipërisë, rendimin e duhur në çështje politike, ushtarake, ligjore për integrimin e Republikës së Kosovës në drejtim te NATO-s dhe iniciativa rajonale. Një pikë tjetër e rëndësisë së madhe është ngritja e stërvitjeve te përbashkëta ushtarake dhe angazhime dhe pjesëmarrje në operacione ndërkombëtare në të ardhmen”, tha Mehaj.

Në konferencën e dy ministrave u tha se marrëveshja e re e nënshkruar është mbi bazën e disa marrëveshjeve ekzistuese, por përmes saj synohet bashkëpunimin Shqipëri-Kosovë në nivel më të lartë.