Kosova
Kosnett: I takon popullit të Kosovës të vendosë për qeverinë e re
Në një prononcim ambasadori amerikan në Prishtinë, Philip Kosnett, tha se i takon popullit të Kosovës që të vendosë se si do të duket Qeveria e re e Kosovës, transmeton albinfo.ch.
Po ashtu, Kosnett tha se Shtetet e Bashkuara janë të përkushtuara që zgjedhjet e parakohshme të 14 shkurtit të jenë të lira dhe të sigurta.
“SHBA-ja është e përkushtuar që të shohë zgjedhje të lira, fer dhe të sigurta. Por, nëse dikush u thotë se SHBA-ja ka ndonjë rezultat të parapëlqyer, kjo thjesht nuk është e vërtetë. Ne jemi të përkushtuar për të parë zgjedhje të lira, të drejta dhe të sigurta, por vetëm popullit të Kosovës i takon që të vendosë se si do të duket qeveria e re e këtij vendi”, tha Kosnett për mediat në Prishtinë, pas vizitës që i bëri Komisionit Qendror të Zgjedhjeve.
Ambasadori Kosnett po ashtu inkurajoi qytetarët që të ushtrojnë të drejtën e tyre të votimit.
Në Kosovë, të dielën po mbahen zgjedhjet e parakohshme parlamentare, ku në këto zgjedhje të drejtë vote kanë 1.794.862 qytetarë.
Ata mund të votojnë në 888 qendra të votimit, që kanë 2.382 vendvotime në 38 komunat e Kosovës.
Këtë vit, KQZ-ja ka larguar nga lista e votuesve rreth 122.000 persona, të cilët kanë qenë të regjistruar vetëm me dokumente të UNMIK-ut.
Në këto zgjedhjet është thënë se do të votohet vetëm me dokumente të Kosovës.
E-Diaspora
-
Si do të votojnë shqiptarët në Amerikë? Derisa kanë mbetur më pak se tre javë nga dita e zgjedhjeve presidenciale të 5 nëntorit...
-
Kurti: Pa diasporën, Kosova nuk do ta gëzonte lirinë dhe zhvillimin
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
Jeta në Zvicër
-
Zvicra nënshkruan deklaratën e anëtarësimit në “Sky Shield” Zvicra është vendi i 15-të që i bashkohet nismës evropiane të mbrojtjes ajrore. Shefi zviceran i...
-
Mbi 60% e zviceranëve mbështesin reformën për financimin e shërbimeve shëndetësore
-
Sa ka ndryshuar tregu i punës në Zvicër?
-
Studimi: Zviceranët janë në favor të zgjerimit të rrugëve
-
Bernë: Këshilli Bashkiak jep sinjalet e para pro pilot-projektit për të ardhurat e pakushtëzuara