Kompanitë evropiane të shqetësuara nga mallërat kineze

Ilustrim

Kompanitë evropiane deklaruan se e shohin kursin e ri ekonomik të ndjekur nga udhëheqja kineze me shqetësim në rritje.

“Në shikim të parë, gjithçka duket mirë”, tha Joerg Wuttke, president i Dhomës së Tregtisë të Bashkimit Evropian në Kinë, pas publikimit të letrës përmbledhëse vjetore të dhomës.

Shumë kompani evropiane arritën edhe një herë shifra rekord të qarkullimit dhe fitimit vitin e kaluar, të cilat nuk pritet të ndryshojnë në të ardhmen e parashikueshme, transmeton Dpa, përcjell Albinfo.ch.

”Edhe në një afat të shkurtër, perspektiva për kompanitë evropiane që operojnë në Kinë mbetet përgjithësisht pozitive”, theksoi Dhoma e cila përfaqëson interesat e rreth 1 700 anëtarëve.

Sidoqoftë, ka “shenja shqetësuese” që Kina po i drejtohet tregut vendas.

”Në këtë proces, Kina ka të ngjarë të zvogëlojë më tej rolin që kompanitë e huaja aktualisht luajnë në ekonominë e saj, veçanërisht në sektorët e teknologjisë së lartë”, theksoi Dhoma e Tregtisë e BE-së.

“Një shqetësim i madh për anëtarët e Dhomës së Tregtisë të Bashkimit Evropian është shkalla në të cilën ata do të jenë në gjendje të kontribuojnë në rritjen e ardhshme ekonomike të Kinës”, tha Wuttke.

Kompanitë evropiane janë gjithashtu të shqetësuara nga lëvizjet e fundit rregullatore të Pekinit kundër ndërmarrjeve private