Kosova
Kompanitë e Kosovës marrin pjesë në panairin Sial 2024 në Paris
Kosova është në mesin e 7500 ekspozuesve prej 125 shteteve nga mbarë bota në panairin ndërkombëtar Sial 2024 në Paris që sivjet shënon përvjetorin e 60-të jubilar.
Shtandin e Kosovës ë kanë vizituar Kryeministri i Republikës së Kosovës, Albin Kurti, së bashku me ministren e Industrisë, Ndërmarrësisë dhe Tregtisë, Rozeta Hajdari dhe ministrin e Bujqësisë, Pylltarisë dhe Zhvillimit Rural, Faton Peci, të shoqëruar nga Ambasadori i Kosovës në Francë, Mehdi Halimi.
Sivjet, në këtë panair, me mbështetjen e Ministrisë së Industrisë, Ndërmarrësisë dhe Tregtisë po marrin pjesë tetë kompani prodhuese vendore me potencial për rritje të eksportit, të cilat po prezantojnë produktet e tyre nga industria e përpunimit të produkteve bujqësore, industria e pemëve dhe perimeve, produkte konditorike, fruta të imta e të ngrira industriale, pije energjike dhe lëngje frutash.
Këtë vit pritet që panairi Sial të mbledhë mbi 256 mijë vizitorë, ndaj të cilëve do të ekspozohen produkte dhe makineri të sektorëve të ndryshëm ushqimorë.
Kryeministri Kurti, së bashku me delegacionin e tij, në bashkëbisedim me përfaqësuesit e kompanive theksoi rëndësinë e krijimit të mundësive për prodhuesit nga Kosova dhe mbështetjen e tyre përballë sfidave dhe në rritjet e kapaciteteve eksportuese. Kjo mbështetje e mëtejshme për sektorin privat në Kosovë, së shpejti do të ofrohet edhe përmes Agjencisë për Investime dhe Eksporte në kuadër të Zyrës së Kryeministrit. Gjatë vizitës në panair, delegacioni i Qeverisë së Republikës së Kosovës, vizitoi edhe dy kompanitë nga Shqipëria pjesëmarrëse në këtë panair.
Promovimi i kompanive në panaire të tilla ndërkombëtare, sikur SIAL 2024, që njihet si panairi më i madh ndërkombëtar për industrinë ushqimore, është e rëndësishme për afirmimin e produkteve nga Kosova në tregjet ndërkombëtare. Kështu ndihmojmë rritjen e eksportit dhe përmirësimin e imazhit të vendit tonë si një vend me potencial për zhvillim ekonomik dhe inovacion.
E-Diaspora
-
Takoi diasporën shqiptare në Vjenë, ministrit të Shqipërisë i kërkohet llogari nga një bashkatdhetare Një incident raportohet të ketë ndodhur në takimin që i dërguari i Partisë Socialiste për Diasporën,...
-
Shqiptarët e Zvicrës: Nga shkatërrimi e deri tek Speak@ODA
-
Arrestohet në Itali 35-vjeçari shqiptar për këtë arsye
-
Cyrih: Gërvalla sot do të mbajë takim me studentët e universiteteve të Zvicrës
-
Si do të votojnë shqiptarët në Amerikë?
Jeta në Zvicër
-
Pavarësisht ndalimit, telefonatat nga kompanitë e sigurimeve shëndetësore nuk janë ndalur Derisa qytetarët kanë afat deri më 30 nëntor për të ndryshuar sigurimin shëndetësor, po vazhdojnë thirrjet...
-
Shqiptarët e Zvicrës: Nga shkatërrimi e deri tek Speak@ODA
-
Rreth 18 mijë njerëz ndoqën spektaklin e dritave në Bernë
-
Zvicër: Rritet përqindja e meshkujve refugjatë ukrainas
-
Qeveria federale kërkon të heqë avantazhet tatimore për shtyllën e dytë dhe të tretë