Lajme
Këto janë vendimet që mori sot Këshilli Federal i Zvicrës
Zvicra dhuron 4 milionë vaksina AstraZeneca dhe bën planin e mbrojtjes për vjeshtë. Në vazhdim, një përmbledhje e shkurtër e vendimeve më të rëndësishme
![](https://www.albinfo.ch/wp-content/uploads/2021/06/berset-pa-maske.jpg)
Ministri i Shëndetësisë Alain Berset ka informuar për vendimet e fundit të Këshillit Federal për koronën në konferencën për media të mbajtur pak më parë, në Qendrën Federale të Mediave, në Bernë.
Në hapje të konferencës, gazetarëve u është sugjeruar se, në frymën e zbutjes së masave, ata mund të heqin maskat. Shembullin e parë për këtë e ka dhënë vetë Berset, i cili e ka hequr maskën dhe në vazhdim, gazetarëve u është drejtuar pa maskë.
Në vazhdim, një përmbledhje e shkurtër e vendimeve më të rëndësishme:
Këshilli Federal ka hartuar një plan me tri faza për vjeshtën dhe dimrin. Në varësi të asaj se sa e suksesshme do të jetë kuota e vaksinimit dhe sa mutacione të koronavirusit do të ketë, skenarët parashikojnë edhe masa kufizuese, transmeton albinfo.ch
Këshilli Federal ka vendosur t`ia japë katër milion doza të vaksinës AstraZeneca programit të ndihmës Covax të OKB. Ndërkaq, Zvicra mban për përdorim të brendshëm 1.3 milion doza të vaksinës në fjalë.
I pyetur nga gazetarët se a nuk është e ndieshme që Zvicra të dhurojë vaksinat që nuk ia ka miratuar për përdorim në vend, Berset është shprehur: “Unë gjithmonë kam thënë AstraZeneca është një vaksinë e shkëlqyeshme”.
“Mos miratimi i saj nuk ka ndodhur se kjo vaksinë ishte e keqe, por sepse shumë pak të dhëna ishin në dispozicion. Shpërndarja e këtyre dozave të vaksinave është një kontribut që mund të japim për vendet më të varfra. Sepse nuk na lejohet akoma të injektojmë këtë vaksinë “.
Alain Berset me këtë rast ka këshilluar zvicearnët që ende nuk janë vaksinuar, të mos udhëtojnë në Rusi për të mbështetur ekipin kombëtar në çerekfinalet e Evropianit të futbollit.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë