Kosova
Kënga “Oj Kosovë” rrëmben çmimin kryesor në Festivalin e Këngës në RTK
![](https://www.albinfo.ch/wp-content/uploads/2023/10/screenshot_20231029_153609_facebook-587x390.jpg)
Në mbrëmjen, e cila finalizoi Festivalin e Parë të Këngës në Kosovë të organizuar nga RTK, konkurrenti “La Fazani” me këngën “Oj Kosovë” u shpall fitues i këtij edicioni. Ndërkohë, çmimi i tretëiI takoi këngëtarit Albin Nikprelaj me këngën “Ajo”. Për herë të parë në këtë festival u nda edhe çmimi nga orkestra, të cilin e rrëmbeu Saranda Alija me këngën “Mendoj ku je”.
Në këtë ceremoni të mbajtur të shtunën mbrëma pati pjesëmarrës nga jeta politike, kulturore e artistike, derisa nuk munguan as emra të njohur të kulturës dhe artit nga Kosova dhe Shqipëria.
Kryeministri i Kosovës, Albin Kurti, ishte një ndër të ftuarit e kësaj nate, i cili mes tjerash ndau edhe çmimin e parë për këngën fituese.
Pas përfundimit të këtij edicioni që po cilësohet historik, ku Kosova bëhet me Festival të Këngës, drejtori artistik, Florent Boshnjaku, tha se Festivali i Këngës është vazhdimësi e traditës. Ai iu është përgjigjur komenteve për emra më të njohur në edicionin e parë.
“Nuk kanë qenë të sigurt se çka dhe si do të punohet. Mendoj që me këtë festival është dëshmuar se çka mund të punohet. Në anën tjetër, nuk e di pse kanë dyshuar kur e kanë ditur kush është prapa”, ka thënë Boshnjaku.
Ky Festival i organizuar nga Radiotelevizioni i Kosovës u drejtua nga Adi Krasta, i cili ishte edhe drejtor i Festivalit, derisa u mbështet financiarisht nga Ministria e Kulturës dhe Komuna e Prishtinës.
Nga Ministria e Kulturës u tha se Kosova, me Festival të Këngës, tregoi se zemra dhe zëri i saj është i fortë dhe i pandalshëm.
“Festivali i Këngës nuk është vetëm një festë, por është një shtëpi e re për artistët tanë, një rrugë e re e hapur për të arritur më lart, për të shpërfaqur potencialin tonë në skenën botërore të muzikës”, thuhet në deklaratën e tyre.
Kënga fituese:
https://youtu.be/JOgcsrU2KE8?feature=shared
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë