Qatar 2022
Katër pretedentë, ngushtohet gara për Kupën e Botës
![](https://www.albinfo.ch/wp-content/uploads/2022/12/545163570_highres-587x392.jpg)
Kupa e Botës në Katar po hyn në fazën finale, por ende pa përfunduar, dihet senzacioni i këtij kompeticioni.
Është Maroku e papritura e këtij kampionati, ekipi afrikanoverior që eliminoi gjigantët, si Belgjika, Spanja e Portugalia, në rrugën drejt sigurimit të gjysmëfinales. Përskaj tyre, katërshen e fundit e përbëjnë edhe Kroacia, Argjentina e Franca.
Argjentina dhe Franca kërkojnë titullin e tretë
Katër gjysmëfinalistët e këtij kompeticioni bartin gjithsej 4 tituj kampion të Botës. Nga dy i kanë Argjentina dhe Franca, ndërsa Kroacia dhe Maroku do të tentojnë t’u dhurojnë gëzimin e parë kombeve të tyre. Franca vjen si kampion aktual, në tentim për ta mbrojtur titullin e vitit 2018. “Gjelat” e kishin fituar titullin e parë në vitin 1998, si organizator në tokën e tyre. Argjentina nga ana tjetër ka kohë që nuk i është gëzuar këtij suksesi. Reprezentacioni amerikanojugor fitoi titullin e parë në vitin 1978, ndërsa kanë kaluar plot 36 vjet nga titulli i fundit, më 1986.
Një prej lojtarëve më të mirë të të gjitha kohërave, Lionel Messi, do të tentojë të arrijë finalen e tij të dytë dhe titullin e parë në Kupën e Botës, në Botërorin e tij të fundit të karrierës. Argjentina e udhëhequr nga Messi u mposht nga Gjermania në finalen e vitit 2014.
Maroku, ekipi i parë afrikan në gjysmëfinale
Me fitoren e madhe kundër Portugalisë në çerekfinale, Maroku u bë reprezentacioni i parë afrikan dhe arab që kapi gjysmëfinalen e Botërorit. Gjenerata e artë e Marokut do të ketë detyrë të vështirë kundër Francës në gjysmëfinale, por e vështirë dukej edhe çdo ndeshje e kaluar, e fituar nga marokenët. Kroacia, nga ana tjetër, gjithashtu nuk ishte në mesin e favoritëve kryesorë para fillimit të këtij Botërori. Por ballkanasit po dëshmojnë vazhdimësi me punën e tyre të mirë në futboll, duke tentuar finalen e dytë të njëpasnjëshme. Para 4 vjetësh u mundën nga Franca 4-2 në finalen e madhe. Kësaj radhe duhet të mposhtin Argjentinën në rrugën drejt finales./trtbalkan
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë