Kosova
Karateistja nga Kosova, Alma Loki, e para në Kampionatin Ballkanik, lë prapa karateisten serbe
![](https://www.albinfo.ch/wp-content/uploads/2024/02/alma-loki-528x396.jpg)
Karateistja nga Kosova, Alma Loki, doli e para në Kampionatin Ballkanik të dielën në Podgoricë të Malit të Zi.
Ajo me suksesin e saj arriti të ngrejë lart flamurin e Kosovës, pasi mposhti karateisten e Serbisë, Neda Milosheviq, që zuri vendin e dytë.
19-vjeçarja fitoi medaljen e artë në kata në Ballkanikun për seniorë.
Alma Loki dhe Milosheviqi ndanë edhe podiumin gjatë pranimit të medaljeve. Natyrisht garuesja kosovare ishte një shkallë më lart se serbja Milosheviq.
Loki thotë se triumfi ndaj serbes e bën edhe më të veçantë medaljen e fituar në Mal të Zi.
“Para finales, në ndeshjen e tretë, e kam pasur sfidën edhe ndaj një serbe tjetër, të cilën e fitova. Por, në finale motivi ka qenë 100 për qind, ndoshta për shkakun që kundërshtarja ka qenë serbe dhe kam thënë se nëse nuk e fitoj këtë, nuk do t’i them vetes Almë. Kam hyrë me besim dhe motiv të madh. Jam ndier krenare me veten. Kam pasur përkrahje të madhe. Nuk e kam pritur se do ta kem gjithë këtë përkrahje. E kam pritur shumë mirë përkrahjen e tyre”, ka thënë Alma Loki për KOHËN të dielën.
Në finale ajo u vlerësua me 24.20 pikë nga gjyqtarët, derisa serbja pati 23.90 pikë.
Për Kosovën është medalja e parë ballkanike e fituar në kata, që është “luftë me kundërshtar të imagjinuar”, përkatësisht demonstrim i teknikave të karatesë.
“Nuk kemi pasur ndonjë problem. Edhe trajneri i saj më ka uruar. Ne jemi sportistë dhe nuk duhet të jetë urrejtja në sport. Jam ndier mirë, shumë mirë që e kam fituar dhe i kam bërë të gjithë shqiptarët krenarë”, është shprehur Loki./Koha.net
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë