Lajme
Kapet në Zvicër çifti shqiptar që kërkohej me fletarrest nga Italia
Italia i kishte shpallur fletëarrestin ndërkombëtar: Policia Kantonale e Cyrihut kap dyshen e dhunshme nga Shqipëria
![](https://www.albinfo.ch/wp-content/uploads/2021/12/police-kantonale-cyrih-zurich-polizisten.jpg)
Policia kantonale e Cyrihut arrestoi një grua dhe një burrë në Weiningen të hënën, të cilët janë shpallur ndërkombëtarisht, nga Italia, për arrestim, transmeton albinfo.ch. Këtë e ka bërë të ditur policia kantonale të mërkurën.
Hetuesit vunë re një automjet me targa italiane në Zürcherstrasse në Weiningen. Kur u kontrolluan personat në automjet, ata nuk mundën të identifikoheshin, për këtë arsye policia i dërgoi në stacion, shkruan polizeinews.ch. Më pas rezultoi se bëhej fjalë për një shtetas shqiptar 44-vjeçar dhe një shtetase shqiptare 38-vjeçare, të cilët ishin në kërkim ndërkombëtar nga Italia.
Dyshja me sa duket ishte arratisur nga një burg. “Dy personat ikën nga ekzekutimi i një dënimi me burg lidhur me një krim të dhunshëm”, shkruan Policia Kantonale. Dëmtimi i rëndë trupor konsiderohet krim i dhunshëm.
Policia në kontrollin e automjetit ka sekuestruar edhe mjetet e vjedhjes, përcjell albinfo.ch. Pasi policia ka përpunuar rastin, dy personat u dërguan në prokurorinë publike të Cyrihut-Limmat, thuhet në njoftimin e publikuar nga policia.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
-
Brazil: Sopranoja shqiptare do të performojë në teatrin “Municipal të São Paulo”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë