Lajme

Italia do të përballet me krizë të madhe ekonomike

Sipas Institutit Kombëtar të Statistikave në Itali, ekonomia e këtij shteti do të tkurret për 8.3 për qind këtë vit si rezultat i krizës së shkaktuar nga koronavirusi.

E hënë, 8 Qershor 2020 - 18:20 albinfo.ch
Keystone (AP Photo/Luca Bruno)

Italia, duke qenë një nga shtetet që e ka përjetuar rëndë periudhën e pandemisë, vendosi masa të rrepta të izolimit për më shumë se dy muaj në përpjekje për ta kufizuar numrin e vdekjeve dhe infektimeve, shkruan The Guardian.

Në Itali ditë më parë u parashikua që ekonomia pas pandemisë do të shënojë ulje për 4.6 për qind vitin e ardhshëm. Megjithatë, disa institucione të tjera kanë frikë se rënia do të jetë më e madhe. Banka e Italisë ka parashikuar rënie të GDP-së mes 9.2 deri në 13.1 për qind, ndërsa Komisioni Evropian pret që kjo shifër të shënojë rënie për 9.5 për qind.

Italia deri më tani është vendi i katërt me më së shumti viktima të koronavirusit në botë me 36,455 raste fatale. Deri të dielën, në Itali janë shënuar 234,998 raste të infektimeve, përcjell albinfo.ch.

 Të ngjashme

A po i shkel Zvicra ligjet e ekonomisë?

 Të tjera nga Lajme

Këshilli Federal dëshiron të përfshijë kompanitë zvicerane në rindërtimin e Ukrainës

 E-Diaspora

 Jeta në Zvicër