Kosova
INTERPOL-i lëshon urdhërarrest për Radoiçiqin
![](https://www.albinfo.ch/wp-content/uploads/2023/09/milan-radoiciq-587x353.jpg)
Bëhet e ditur se organizata ndërkombëtare e policisë, INTERPOL, ka lëshuar urdhërarrest për ish-nënkryetarin e Listës Serbe, Millan Radoiçiq, në lidhje me sulmin e armatosur në Banjskë të Zveçanit më 24 shtator, përcjell albinfo.ch.
Lajmin e konfirmoi ministri për Komunitete dhe Kthim në Qeverinë e Kosovës, Nenad Rashiq.
Ai tha se urdhri është lëshuar me ndërmjetësimin e misionit të Kombeve të Bashkuara në Kosovë, UNIMK, në bazë të kërkesës së Ministrisë së Punëve të Brendshme të Kosovës. Kjo për shkak se Kosova ende nuk është anëtare e INTERPOL-it.
Mediat në Serbi kanë raportuar se urdhërarreste janë lëshuar edhe për 11 persona të tjerë të lidhur me sulmin në Banjskë.
Më 24 shtator, grupe të armatosura të serbëve kanë sulmuar policinë e Kosovës në fshatin Banjskë të Zveçanit, ku i vdekur mbeti rreshteri Afrim Bunjaku, ndërkaq u lënduan tre policë të tjerë, dy prej tyre me armë zjarri. Në përleshjet e armatosura që pasuan, u vranë edhe tre sulmues serbë.
Disa ditë më vonë, pasi MPB-ja nxori pamjet e Radoçiqit nga Banjska ditën e sulmit, përgjegjësinë për sulmin e mori Radoiçiqi.
Ai u mor në pyetje nga Prokuroria e Serbisë në muajin tetor dhe u ngarkua me disa vepra, përfshirë trafikim armësh dhe shkaktim të rrezikut të përgjithshëm. Gjykata në Beograd e liroi nga paraburgimi, por ia konfiskoi dokumentet.
Të tjera nga Kosova
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë