Lajme
I arrestuari për spiunazh ndaj Kinës del të jetë ndihmësi i eurodeputetit gjerman
![](https://www.albinfo.ch/wp-content/uploads/2024/01/gjermani-587x391.jpg)
Një ndihmës i një deputeti të Parlamentit Europian, i partisë Alternativa për Gjermaninë (AfD), e ekstremit të djathtë, është arrestuar në Gjermani me dyshimin për “spiunazh të rëndë” për Kinën.
Prokurorët njoftuan se i arrestuari është Jian Guo dhe e akuzuan për përcjelljen e informacionit në lidhje me diskutimet në legjislaturën e Bashkimit Europian tek inteligjenca kineze.
Faqja e internetit e Maximilian Krah, kandidati kryesor i AfD-së në zgjedhjet e qershorit për asamblenë, liston Jian Guo si një nga ndihmësit e tij. Krah tha se kishte mësuar për arrestimin e Guo nga mediat dhe se do të ndalonte së punuari me të nëse akuzat vërtetoheshin.
Ndihmësi, i cili jetonte në Bruksel dhe në Dresden, spiunoi gjithashtu figurat e opozitës kineze në Gjermani, thanë prokurorët. Ai u arrestua në Dresden të hënën dhe banesat e tij u kontrolluan.
“Ai akuzohet për një rast veçanërisht të rëndë për një shërbim sekret të huaj”, thuhet në deklaratë.
Dy javë më parë, gazeta çeke Denik Na dhe revista gjermane Der Spiegel raportuan se një tjetër kandidat i AfD-së në zgjedhjet e Parlamentit Euvropian, ligjvënësi gjerman Petr Bystron, kishte marrë para nga një faqe mediatike proruse.
Ankthi për spiunazhin kinez është rritur në gjithë Europën muajt e fundit. Tre shtetas gjermanë u arrestuan të hënën me dyshimin se kishin dorëzuar teknologji me aplikacione ushtarake. Në të njëjtën ditë, dy burra u akuzuan në Britani për spiunazh për Kinën. Më 25 mars, SHBA-ja dhe Britania akuzuan Pekinin për spiunazh kibernetik kundër miliona njerëzve, përfshirë ligjvënës, akademikë dhe gazetarë, si dhe kompani, përfshirë kontraktorët e mbrojtjes.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë