Portrete të firmave
Gzim Hasani dhe Florim Cuculi frymëzojnë komunitetin zviceran të hendbollit
Pasioni, disiplina, fryma ekipore, loja korrekte, përgjegjësia personale dhe një vullnet i papërmbajtshëm për të arritur gjëra të mëdha: Këto janë vlera që lidhin sportin me ndërmarrësinë. Këto janë vlera që lidhin komunitetin tonë swissalbs me Zvicrën
![](https://www.albinfo.ch/wp-content/uploads/2022/08/gzim-hasani-dhe-florim-cuculi.jpeg)
Gzim Hasani dhe Florim Cuculi kanë mbajtur një prezantim në “Forumin e Sipërmarrësve të Hendbollit” për këtë vit, në Arosa me temë: “Migrimi në sport – nuk ka kufij të dukshëm ndërmjet kombeve migratore dhe Zvicrës. Fryma sportive na bashkon”.
Mënyra e paraqitjes së sipërmarrësit dhe mjekut ishte simpatike, mendjemprehtë dhe me humor. Ata bënin të gjithë komunitetin e hendbollit për të qeshur çdo minutë. Në publik ishin edhe personalitete të njohura nga sporti, biznesi dhe politika, si Thierry Burkhard, anëtar i FDP-së, Urs Berger, President i Bordit Drejtues të kompanisë Mobiliar, pronar i Stämpfli Verlag Peter Stämpfli, apo ish-hendbollistja e njohur Karin Weigelt dhe futbollistja e kombëtares zvicerane Lara Dickenmann (VfL Wolfsburg në Bundesligën e femrave), shkruan albinfo.ch. Duke ju referuar shembullit të historisë së tyre të suksesit, të dy folësit frymëzuan dhe motivuan të pranishmit dhe i inkurajuan ata të mendojnë.
Gzim Hasani është CEO i smzh – një ofrues i shërbimeve financiare në qendër të Cyrihut
Gzim Hasani është një vizionar mbresëlënës, artdashës dhe sipërmarrës i pasionuar me një dhunti për afërsi me njerëzit. Ai foli jo vetëm për paragjykimet me të cilat i është dashur të përballej gjatë gjithë karrierës së tij, por për më tepër i tregoi audiencës se si i kthente sfidat në shanse. Ai kishte mësuar gjuhën e atyre që kishte për ballë dhe kështu kishte fituar besimin e njerëzve të tij, klientëve dhe mbi të gjitha kundërshtarëve të tij, shkruan albinfo.ch. I vendosur dhe ambicioz.
Prezantimit të moderatores sipas të cilës kardiologu Prof Dr. Florim Cuculi, si një emigrant 14-vjeçar, e ka kaluar një kohë të vështirë në Zvicër, ai i është përgjigjur se e shihte gjithmonë gotën gjysmë të mbushur (me optimizëm) dhe se mundësia që i kishte ofruar Zvicra i zhvilloi aftësitë dhe talentin e tij deri në shkallën e profesorit.
Prof Dr. Florim Cuculi është Bashkëdrejtues i Kardiologjisë në Spitalin Kantonal të Lucernit dhe pronar i Qendrës Kardio në Lucern
Ekonomia zvicerane konsiderohet të jetë një nga ekonomitë më produktive dhe më të qëndrueshme në botë. Komuniteti swissalbs jep një kontribut të rëndësishëm në performancën ekonomike zvicerane. “Duhet të heqim dorë nga reduktimi i atdheut tonë vetëm në kufij dhe flamuj”, është shprehur Florim Cuculi. “Ne na lidh performanca, përgjegjësia, përkushtimi, humanizmi dhe suksesi. Ne mund të tregojmë me besim sukseset tona dhe të festojmë së bashku”.
Kryetari i Shoqatës së Hendbollit të Zvicrës, Pascal Jenny, i cili gjithashtu ishte i pranishëm në skenë, u përgjigj: “Ne zviceranët/zviceranet duhet të marrim një copëz nga ky vetëbesim dhe të identifikohemi me sukseset tona”.
Sfondi përrallor në Arosa ofron një mjedis të përshtatshëm për të takuar njerëz me orientime të përbashkëta dhe për t’u frymëzuar. Forumi i ardhshëm i Sipërmarrësve të Hendbollit, HUFO, do të mbahet më 18./19. gusht 2023.
Sipërmarrësi dhe CEO i smzh (Swiss Management Zürich AG), Gzim Hasani: “Sporti është forma më e ndershme e barazisë”
smzh synon të ofrojë qasje për këshilla financiare të bazuara në nevoja për individët privatë, sipërmarrësit dhe kompanitë në të gjithë Zvicrën në lidhje me dëshirat dhe qëllimet e tyre.
Falë pavarësisë së saj, smzh siguron që klientët e saj të marrin zgjidhje të përshtatura dhe gjithëpërfshirëse në çdo fazë të jetës.
Me mbështetjen e saj 360°, ajo shoqëron klientët e saj afatgjatë dhe në mënyrë proaktive në zbatimin e strategjisë së përcaktuar bashkërisht.
Të ngjashme
Të tjera nga Portrete të firmave
E-Diaspora
-
529 zarfe me fletëvotime nga diaspora janë anuluar Komisioni Qendror i Zgjedhjeve (KQZ) ka anuluar 529 zarfe me fletëvotime nga diaspora, për shkak siç...
-
Gazeta zvicerane: Ja si ka votuar diaspora e Kosovës në Aargau
-
“Mos t’i harrojmë arbëreshët” – Historia e një misioni dashurie për atdheun
-
TECH FORUM 2025: Forumi i parë shqiptaro-zviceran në Cyrih
-
Mirela Kuka, profesoreshë e Patologjisë në Universitetin Vita-Salute San Raffaele
Jeta në Zvicër
-
Çfarë ndryshimesh mund të prisni në Cyrih këtë vit? Rregulla të reja, trena, fluturime, si dhe ngjarje kulturore që duhen pritur: këtu është një përmbledhje...
-
Buxheti i Zvicrës është më i balancuar nga sa mendohej fillimisht
-
Gazeta zvicerane: Ja si ka votuar diaspora e Kosovës në Aargau
-
Gjeneva merr masa urgjente për të shpëtuar sektorin e saj ndërkombëtar
-
Gjeneva propozon fond urgjence prej 10 milionë CHF për OJQ-të