Kosova
Goran Rakiq zgjidhet zv.kryeministër dhe ministër i Pushtetit Lokal
Mitrovica e Veriut shkon në zgjedhje të jashtëzakonshme
Mitrovica e Veriut do të shkojë në zgjedhje të jashtëzakonshme, pasi kryetari i kësaj Komune, Goran Rakiq, është zgjedhur zv.kryeministër dhe ministër i Pushtetit Lokal, në Qeverinë Hoti. Për këtë çështje janë deklaruar edhe nga Komisioni Qendror i Zgjedhjeve.
Goran Rakiq, i cili është edhe kryetar i Mitrovicës së Veriut, është zgjedhur sot zv.kryeministër dhe ministër i Pushtetit Lokal, në qeverinë e re.
Si pasojë e kësaj, Mitrovica e Veriut do të shkojë në zgjedhje të jashtëzakonshme.
Zëdhënësi i Komisionit Qendror të Zgjedhjeve, Valmir Elezi, ka thënë për Express se KQZ-ja do të fillojë organizimin e këtyre zgjedhjeve sapo ato të shpallen.
“Si çdo herë, Komisioni Qendror i Zgjedhjeve do të përmbushë detyrat e veta kushtetuese dhe ligjore për të organizuar zgjedhjet, kurdo që i kërkohet. Në këtë drejtim, KQZ-ja do të fillojë me punën intensive për organizimin e zgjedhjeve të jashtëzakonshme për kryetar të Komunës së Mitrovicës së Veriut, pasi të shpallen këto zgjedhje”, ka thënë Elezi.
Rakiq është zgjedhur kryetar i Mitrovicës së Veriut në zgjedhjet e jashtëzakonshme në maj të vitit të kaluar.
Këto zgjedhje kanë pasuar dorëheqjet e kryetarëve të këtyre komunave, më 26 nëntor të vitit të kaluar, në shenjë proteste ndaj vendimit të Qeverisë së Kosovës për vendosjen e taksës 100 për qind në importet e Serbisë dhe Bosnjës.
Megjithatë, pas dorëheqjes Rakiq kishte kandiduar përsëri për kryetar të Mitrovicës së Veriut, ku edhe kishte fituar zgjedhjet.
Fat të njëjtë si Mitrovica e Veriut kishte edhe Podujeva. Kryetari i kësaj komune, Agim Veliu, ishte zgjedhur më 3 shkurt të këtij viti ministër i Punëve të Brendshme në Qeverinë Kurti.
Zgjedhjet e jashtëzakonshme në Podujevë nuk janë mbajtur ende për shkak të pandemisë COVID-19
Të ngjashme
Të tjera nga Kosova
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
FDP: Zvicra të deportojë azilkërkuesit në Shqipëri, sipas modelit italian "Për azilkërkuesit e refuzuar që nuk mund të kthehen në atdheun e tyre, duhet të kërkohen...
-
Operatorët zviceranë të skive janë optimistë pavarësisht reshjeve më të pakta të borës
-
Miratohet udhëtimi me autobus rajonal ndërmjet Italisë dhe Zvicrës
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë