Lajme
Gjykata Federale kthen në rishqyrtim gjykimin e kosovarit për martesë fiktive
Zyra e Migracionit e Kantonit të Aargaut e kishte klasifikuar marrëdhënien si martesë fiktive dhe i kishte refuzuar kërkesën për leje qëndrimi
Në vitin 2008, pa i marrë në pyetje verbalisht, një zyrë e Cyrihut e kishte klasifikuar martesën mes një kosovari dhe një gruaje zvicerane me rrënjë braziliane si martesë fiktive. Kjo pati pasoja për çiftin, i cili iu drejtua gjykatës, transmeton albinfo.ch. Gjykata Federale deklaron se për të marrë një vendim të tillë, të dy duhej të ishin marrë në pyetje.
Gjykata Administrative e Cyrihut tani duhet ta kthejë çështjen në rigjykim.
Kosovari ka aplikuar disa herë për leje qëndrimi për të qëndruar me gruan e tij në Zvicër. Ai është martuar për herë të parë në vitin 2005. Zyra e Migracionit e Kantonit të Aargaut e kishte klasifikuar këtë marrëdhënie si një martesë fiktive dhe për këtë arsye kishte refuzuar kërkesën për leje qëndrimi.
Ankesat kundër këtij vendimi ishin të pasuksesshme.
Martesa kishte përfunduar me divorc dhe në tetor të vitit 2008 kosovari qe martuar me gruan e tij aktuale, shkruan plattformj.ch. Ajo është 19 vjet më e moshuar se ai, siç shkruan në një vendim të Gjykatës federale të publikuar të premten.
Zyra e Migracionit e Cyrihut e kishte refuzuar edhe këtë kërkesë për leje qëndrimi në prill 2009 me arsyetimin se bëhej fjalë për martesë fiktive, transmeton albinfo.ch. Ankesat e bëra, kërkesat e ripërtërira dhe kërkesat për rishqyrtim nuk kishin sjellë asnjë dobi për çiftin. Në tetor të vitit 2016 autoritetet kishin lëshuar një ndalim për tre vjet hyrje në Zvicër ndaj burrit.
Kosovari jeton në Francë që nga viti 2019. Gruaja e tij ka ngritur një vendbanim të dytë atje nga viti 2020. Zyra e Migracionit ka refuzuar përsëri kërkesën e rinovuar për leje qëndrimi në vitin 2021, duke përmendur si shkak sërish një martesë fiktive. Por, ky vendim është rrëzuar tani nga Gjykata Federale.
Në fakt, çifti duhet të ishte marrë në pyetje për jetën e tyre bashkëshortore, siç kërkojnë dy bashkëshortët në denoncimin e tyre. Gjykata Federale thekson se nuk është zhvilluar fare një seancë dëgjimore me gojë që nga refuzimi i kërkesës së parë në vitin 2009, përcjell albinfo.ch. Edhe pse rrethanat e jashtme ofrojnë dëshmi për llojin e marrëdhënies, ato kanë vlerë të kufizuar provuese. Prandaj, marrja në pyetje me gojë mund të jetë e dobishme.
Të ngjashme
Të tjera nga Lajme
E-Diaspora
-
Shqipëri: Kostot për votimin e diasporës – një pjesë mbulohet nga shteti e pjesa tjetër nga votuesit Për herë të parë në zgjedhjet e pranverës 2025 shtetasit shqiptarë që jetojnë dhe punojnë jashtë...
-
Liridona Makica zgjidhet Sipërmarrësja e Vitit 2024 nga Swissalbs
-
Don Marjan Marku: Të promovohet dialogu ndërfetar dhe ndërkulturor
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
Jeta në Zvicër
-
Më të rejat nga Zvicra këtë javë Çifti britanik bën plane për t’i dhënë fund jetës së tyre së bashku në një kapsulë...
-
Marrëveshja e re e punës për pilotët e Edelweiss do të hyjë në fuqi këtë vit
-
Këshilli Kantonal i Cyrihut nuk dëshiron zbritje tatimore për kostot e qirasë
-
Nuk arrihen synimet e qeverisë zvicerane për veturat elektrike
-
Murat Yakin pas humbjes nga Spanja: Nëse Xhaka mungon, nuk ka zgjidhje