Lajme
Gjykata Federale konfirmon dënimin me 16 vjet burg të shoferit për plagosjen e polices
Ajo ka hedhur poshtë ankesën e një të dënuari që kishte goditur me makinë dhe plagosur rëndë një police, teksa ikte nga policia, në vitin 2019
![](https://www.albinfo.ch/wp-content/uploads/2015/12/bundesgericht-587x337.jpg)
Në tetor të vitit 2023, Gjykata e Lartë (kantonale) e Cyrihut pati dënuar personin i cili ishte 20 vjeç në kohën e krimit, për tentativë për vrasje të shumëfishta të dy policeve dhe vepra të tjera. Ai qe dënuar me 16 vite burg, dënim ky i cili ishte kthyer në masa terapeutike stacionare.
Në vendimin e saj të botuar të hënën, Gjykata Federale ka hedhur poshtë të gjitha argumentet e ankuesit. Ai kishte thënë se atëbotë mendonte se mund të shpëtonte duke shmangur linjën e policisë në trotuar. Kur kishte parë, në momentin e fundit se aty kishte punonjës policie, ishte tepër vonë për t’i shmangur.
Gjykata Federale e konsideron vlerësimin e gjykatës më të ulët si jo arbitrar por korrekt. Nga raportimi rezulton se nga shpejtësia e makinës së të dënuarit dhe përplasja me punonjësin e policisë kanë kaluar rreth 3 sekonda. Me përjashtim të një hezitimi prej 4 të dhjetat e sekondës, ai kishte vazhduar të përshpejtonte.
Ai kishte pranuar vdekjen e mundshme të policeve
Sipas Gjykatës Federale, nuk është vendimtar fakti që policja, e cila tashmë mbante pistoletën në dorë, ka qëlluar. Kjo e shtënë e pakontrolluar mund të interpretohet vetëm si një refleks që tregon se policja nuk ka pasur kohë të përqendrohet dhe të njohë rrezikun për të.
Departamenti i II-të i së Drejtës Penale ka konfirmuar gjithashtu supozimin e gjyqësorit të Cyrihut për vrasje me dashje: I riu nuk donte që policet të vdisnin, por duke u larguar me makinë dhe duke u devijuar në trotuarin ku ato ndodheshin, ai i vuri ato në rrezik vdekjeprurës.
Të ngjashme
Të tjera nga Lajme
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë