Muzikë
Gjykata: Anulimi i Alba Festivalit nga Jacqueline Fehr, diskriminues
Sipas vendimit të Gjykatës Administrative të Kantonit të Cyrihut, dekreti i presidentes Fehr në atë kohë kishte shkelur ndalimin e diskriminimit
Tre vjet më parë, Jacqueline Fehr, atëbotë presidente e Qeverisë së Kantonit të Cyrihut pati anuluar Festivalin e njohur të muzikës shqiptare në Cyrih “Alba Festival” 2021 – në momentin e fundit. Ajo e kishte arsyetuar vendimin me pandeminë e koronës.
Në arsyetimin e saj thuhej se publiku i pritshëm i festivalit ishte një komunitet “i prekur rëndë” nga Corona, transmeton albinfo.ch. Kjo, për faktin se personat që ktheheshin nga pushimet nga rajoni i Ballkanit ishin të infektuar me koronavirus mbi mesataren. Për më tepër, shkalla e vaksinimit në grupin përkatës të popullsisë ishte “shumë e ulët”.
Tani, Jacqueline Fehr ka ndarë vetë për publikun vendimin e Gjykatës Administrative të Kantonit të Cyrihut në Linkedin. Siç dihet, edhe në atë kohë, organizatorët kishin folur për një vendim diskriminues ndaj komunitetit shqiptar.
Tani Gjykata Administrative e Kantonit të Cyrihut ka vërtetuar këtë: sipas vendimit të saj, dekreti i presidentes Fehr në atë kohë kishte shkelur ndalimin e diskriminimit.Duke ndarë vendimin për Linkedin, Jacqueline Fehr ka komentuar: “Askujt nuk i pëlqen të humbasë në gjykatë – madje as mua. Megjithatë, jam e lumtur për këtë vendim”, ka shkruar ajo të hënën në mëngjes, shkruan tagesanzeiger.ch. “Është mirë të dihet se Gjykata Administrative e Cyrihut vendos standarde strikte kur bëhet fjalë për çështjet e diskriminimit”, ka shkruar ajo.
Që në kohën e anulimit, presidentja e atëhershme e qeverisë kantonale kishte kërkuar tashmë falje për anulimin afatshkurtër dhe kishte njoftuar për një hetim të pavarur në aspektin e diskriminimit nga Komisioni Federal kundër Racizmit (EKR), përcjell albinfo.ch. Ashtu si gjykata administrative tani, edhe EKR pati dalë në përfundimin se refuzimi ishte diskriminues.
Të tjera nga Muzikë
E-Diaspora
-
Shoqata “ILIRËT” do të prezantohet me këngë e valle shqiptare në qytetin Gland Si çdo vit, edhe këtë nëntor do të mbahet festa shumëkulturore e qytetit Gland, të shtunën,...
-
Kosovari nga Austria po voziste një veturë të vjedhur para 11 vjetëve
-
Kurti uron Ditën Kombëtare të Austrisë
-
“Siparantum” valëvit flamurin e Kosovës në Spanjë, krahas 32 shteteve
-
Arrestohet shqiptari nga Gjermania për keqpërdorim të fëmijëve në pornografi
Jeta në Zvicër
-
Qiratë e larta i pengojnë njerëzit të ndryshojnë apartamentet Edhe pse popullsia zvicerane po rritet me shpejtësi, numri i njerëzve që lëvizin është ulur ndjeshëm...
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja
-
Eurovision Song Contest në Bazel: EDU dorëzon referendumin