Tematike
Gjermania, e rrezikuar prej të kthyerve nga Siria dhe Iraku
Nga Siria dhe Iraku janë kthyer rreth 350 islamistë në Gjermani, 90 prej tyre vetëm në landin më të populluar gjerman, Renani-Veriore Vestfali.
Lajmin e ka bërë të ditur një zëdhënëse e Zyrës Federale të Kriminalistikës për gazetën e Dyseldorfit, „Rheinische Post”. Sipas zëdhënëses, „ka të dhëna se më shumë se 100 të kthyer kanë qenë aktivë në luftime në Siri apo Irak dhe për këtë kanë kryer edhe trajnime”.
Kthimi në Gjermani i islamistëve shihet si një rrezik i madh sigurie.
Nga ana tjetër, një zëdhënës i Ministrisë së Punëve të Brendshme të landit të Renanisë-Veriore Vestfalisë tha se të kthyerit në shumë raste përbëjnë një rrezik të ndjeshëm, sepse ata janë mësuar të përdorin armët dhe kanë përvojë luftimi. „Edhe për shkak se ata e kanë përvetësuar ideologjinë xhihadiste të dhunshme dhe, sepse e përçmojnë thellë mënyrën tonë të jetesës”, shkruan agjencia e lajmeve, kann, përcjell albinfo.ch.
Siç transmeton DW, Autoriteti gjerman i Mbrojtjes Kushtetuese ka bërë të ditur se rreth 110 persona të lidhur me këtë land janë ende në territoret e kontrolluara nga i ashtuquajturi „Shteti Islamik” dhe mund të rikthehen. „Prej tyre ndodhen rreth 50 vetë në Siri, Irak,Turqi në kampe apo burgje.” Sipas Mbrojtjes Kushtetuese shumë islamiste gjermanë janë vrarë në luftime. „Ka të dhëna, se më shumë se 260 persona në Siri dhe Irak janë vrarë; nga këta të vdekur afër 80 prej tyre kategorizoheshin si të rrezikshëm”, ka thënë zëdhënësja e Zyrës Federale të Kriminalistikës, BKA.
Ndërkohë sipas rrjetit redaksional gjerman, RND kanë filluar vetëm në gjysmën e parë të vitit 2020 149 procedura hetimore për terrrorizëm islamik, bën të ditur Prokuroria gjermane, të cilat pasohen nga hapa të tjerë ligjorë. Arsyeja kryesore ka qenë dyshimi për anëtarësi në një organizatë terroriste.
Të tjera nga Tematike
E-Diaspora
-
Rita Ora në New York për ndërrimin e moteve Për natën e ndërrimit të motmoteve, shqiptarja me famë botërore, Rita Ora, dhe moderatori, Ryan Seacrest,...
-
Bekim Zogaj, kur “pensionimi” vjen në kulmin e karrierës
-
Xhaka, me transplant të flokëve në Prishtinë
-
1 orë pritje për të dalë nga Kosova
-
Si do të votojë diaspora në Shqipëri më 11 maj?
Jeta në Zvicër
-
Zvicër: Një person humb parakrahun nga shpërthimi i fishekzjarrëve 36-vjeçari po rregullonte fishekzjarrët, të cilat më pas kanë shpërthyer. Ai ka mbetur i lënduar edhe...
-
Zvicra nis vitin e ri me fishekzjarre, kokteje dhe njerëz të lënduar
-
Pensioni AHV, ushtria, buxheti: Këto janë diskutimet e vitit 2024
-
Aterrimi emergjent në Graz: Motori i Swiss-Airbus A220 tregon “model të panjohur defekti”
-
Pas korrigjimit: SBB, nga vendi i dytë bie në vendin e njëmbëdhjetë në Evropë