Gjermania dhe Austria do të ndalojnë hyrjen e liderit të serbëve të Bosnjës, Millorad Dodik, në këto dy vende, përcjell albinfo.ch.

Hyrja në Gjermani dhe Austri ndalohet gjithashtu edhe për kryeministrin e Republikës Srpska, Radovan Višković, dhe kryetarin e Asamblesë Kombëtare, Nenad Stevandić.

Në mars, Gjykata e Bosnje e Hercegovinës lëshoi fletarrestime për këta tre liderë të entitetit serb të Bosnjës, për shkak se kanë nxitur një krizë kushtetuese në vend.

Ata akuzohen se kanë shkelur rendin kushtetues të Bosnje e Hercegovinës me veprimet e tyre antikushtetuese.

Të tre kanë shpërfillur thirrjet e autoriteteve për t’u paraqitur për marrje në pyetje.