Gjermania, Austria dhe Zvicra, në mesin e shteteve me pasaportat më të fuqishme në botë

Henley & Partners me bazë në Londër ka mbledhur dhe analizuar të dhënat e ofruara nga Shoqata Ndërkombëtare e Transportit Ajror (IATA) për të renditur pasaportat më të fuqishme në botë, shkruan albinfo.ch.

Indeksi i tij i fundit tremujor i pasaportave Henley ka Japoninë dhe Singaporin në krye të listës, duke i lejuar ata mbajtës të pasaportave të hyjnë në 192 destinacione në mbarë botën pa viza. Kjo është 166 më shumë se Afganistani, i cili mban vendin e fundit në indeks.

Më poshtë në top 10, renditja është pothuajse e pandryshuar. Koreja e Jugut dhe Gjermania vijojnë në vendin e dytë me akses pa viza në 190 destinacione dhe Finlanda, Italia, Luksemburgu dhe Spanja janë të gjitha së bashku në vendin e tretë me një rezultat prej 189 vendeve.

Pasaportat e Mbretërisë së Bashkuar dhe të SHBA-së kanë rifituar një pjesë të fuqisë së tyre pasi ranë në vendin e 7-të të barabartë (me rezultatin 185) vitin e kaluar. Të dy vendet tani ngjiten në vendin e 6-të, me një rezultat pa viza/viza në mbërritje prej 186, shkruan tutje albinfo.ch.

Pasaportat më të fuqishme:

Japoni, Singapor (192)

Gjermania, Koreja e Jugut (190)

Finlandë, Itali, Luksemburg, Spanjë (189)

Holanda, Austri, Danimarkë, Francë, Suedi (188)

Irlandë, Portugali (187)

Belgjika, Zelanda e Re, Norvegjia, Zvicra, MB, SHBA (186)

Australi, Kanada, Çeki, Greqi, Maltë (185)

Hungari, Poloni (183)

Lituani, Sllovaki (182)

Estonia, Letonia, Sllovenia (181)

 

 

Pasaportat më pak të fuqishme:

Afganistan (26)

Irak (28)

Siria (29)

Pakistani (31)

Jemeni (33)

Somali (34)

Territori Palestinez, Nepal (37)

Koreja e Veriut (39)

Libi, Kosovë, Bangladesh (40)

Sudan, Sri Lanka, Liban (41)

 

---