Lajme
Gjeneva drejt raundit të dytë të zgjedhjeve komunale, gara vendimtare në 24 komuna

Qytetarët e 24 prej 45 komunave të kantonit të Gjenevës do t’u drejtohen kutive të votimit këtë të dielë për raundin e dytë të zgjedhjeve për ekzekutivin komunal. Në garë janë ende 99 kandidatë, mes tyre 31 gra, për pozitat udhëheqëse në komunat ku nuk u arrit shumicë absolute më 23 mars, shkruan RTS.
Në kryeqytetin e kantonit, gara është e nxehtë: e majta e bashkuar përfaqësohet nga katër kandidatët kryesorë – Christina Kitsos dhe Joëlle Bertossa nga Partia Socialiste, si dhe Alfonso Gomez dhe Marjorie de Chastonay nga Të Gjelbërit. Ata kryesuan në raundin e parë, por asnjëri nuk arriti shumicën absolute, transmeton albinfo.ch.
E djathta, megjithëse mori shumicën në këshillin bashkiak, hyn në raundin e dytë e fragmentuar dhe pa një aleancë të qartë. Marie Barbey-Chappuis (Qendra), Natacha Buffet-Desfayes (PLR), Vincent Schaller (UDC) dhe kandidatë të pavarur do të garojnë të ndarë për vendet në Këshillin Administrativ.
Edhe në komunat e tjera, pritet betejë e ngushtë. Në Vernier, tre kandidatët në largim nga PS, Të Gjelbërit dhe FDP kanë bashkuar forcat për të sfiduar Thierry Cerutti nga MCG. Në Lancy dhe Onex, PLR kërkon të rimarrë kontrollin me mbështetjen e UDC dhe MCG, ndërsa në Meyrin, gara zhvillohet mes kandidatëve të PS-Green, Qendrës dhe të djathtës ekstreme, shkruan RTS.
Tre komuna – Carouge, Bellevue dhe Soral – do të mbajnë zgjedhjet në heshtje këtë të dielë. Ndërkohë, 18 bashki i kishin zgjedhur drejtuesit e tyre që në raundin e parë, shtatë prej tyre pa garë.
Rezultatet e para priten rreth orës 12:45, ndërsa mandati i ri legjislativ në nivel komunal do të nisë më 1 qershor, transmeton albinfo.ch.
E-Diaspora
-
Nga Shkupi në Holandë: Suksesi i Vigjilenca Abazit në Drejtësinë Evropiane Vigjilenca Abazi është Asistente Profesore e së Drejtës Evropiane në Universitetin e Maastrichtit në Holandë. Si...
-
Kori “Siparantum” do të ngjitet në skenën e institucionit prestigjioz të Filarmonisë së Berlinit
-
Bardhyl Coli emërohet drejtor i ri i hotelit prestigjioz në Zvicër
-
Falënderim i veçantë për vëllezërit Shoshi në Zvicër: Kontribut i çmuar për të ardhmen e fëmijëve të fshatit të tyre, Skivjan
-
Vota e Diasporës: Një çelës për të ardhmen demokratike të Shqipërisë
Jeta në Zvicër
-
Të shtëna me armë në Brugg, arrestohen një zviceran dhe një kosovar Një përleshje e dhunshme shpërtheu të shtunën pasdite në Brugg, kantoni Aargau, ku disa të shtëna...
-
Propozim për barazim të pagave: Qeveria federale kërkon orientim më të madh drejt tregut
-
Garda Zvicerane pjesëmarrëse në varrimin e Papës
-
Ndikimi i tarifave në ekonominë zvicerane shqetëson publikun
-
Firmat zvicerane kanë 25% gra në bordet drejtuese