Kosova
Gërvalla: Gratë aktore, kyçe në zhvillimin e shoqërisë kosovare
Prania e fuqishme e grave në politikë është një përgjigje e mirë ndaj korrupsionit dhe një zgjidhje për të siguruar alternativa të qëndrueshme qeverisëse, tha ministrja Donika Gërvalla në takimin e grave ministre të Punëve të Jashtme, që u mbajt në Toronto të Kanadasë.
Sipas njoftimit të Ministrisë së Punëve të Jashtme dhe Diasporës, Gërvalla gjatë fjalimit të saj theksoi se Kosova ka bërë përparim të dukshëm në përfaqësimin e grave në institucionet publike dhe se gratë nuk janë vetëm pjesëmarrëse, por aktore kyçe në zhvillimin e shoqërisë sonë.
“Ajo gjithashtu nënvizoi se është thelbësore të përqëndrohemi jo vetëm në përfaqësimin e grave në pozita të larta, por edhe në ekonomi dhe sektorë të tjerë që shpesh mbeten të dominuar nga burrat”, thuhet në njoftim.
Në përfundim të takimit, ministret nënshkruan deklaratën e përbashkët, ku ritheksuan angazhimin e tyre për të avancuar pjesëmarrjen e grave në vendimmarrje dhe për të krijuar hapësira të sigurta dhe gjithëpërfshirëse për gratë në politikë dhe në jetën publike.
Ministret shprehën gjithashtu shqetësimin e tyre për situatën e të drejtave të grave dhe vajzave në Afganistan dhe kërkuan që talibanët t’i rikthejnë të drejtat e tyre themelore për arsimim dhe pjesëmarrje publike. Po ashtu, u theksua nevoja për barazi gjinore brenda OKB-së, duke theksuar kërkesën që në pozitën e Sekretarit të ardhshëm të Përgjithshëm të jetë një grua.
Gërvalla mori pjesë në këtë takim me ftesë të ministreve të Punëve të Jashtme të Kanadasë dhe Xhamajkës.
E-Diaspora
-
Gjermani: Humb jetën 25-vjeçari nga Kosova Bëhet e ditur se 25 vjeçari me inicialet T.M. ka ndërruar jetë në Gjermani, përcjell albinfo.ch....
-
Ambasadori i Kosovës, Mentor Latifi, viziton kompaninë smzh AG
-
Shaqiri, “kryefjalë” e numrit më të ri të revistës albinfo.ch
-
Dy shqiptarë dënohen me burg dhe me “dëbim të menjëhershëm” nga Zvicra
-
Zvicër
Ema Hoti, finaliste në “Miss Universe Switzerland”
Jeta në Zvicër
-
Më pak shtëpi të lira në Zvicër Kantonet Zug (0,39%), Obwalden (0,44%) dhe Gjenevë (0,46%) kishin normat më të ulëta të vendeve të...
-
Vendos gjykata, Google nuk duhet të heqë përmbajtjen kritike ndaj FIFA-s
-
Gjeneva do të presë takimin e OKB-së për Palestinën
-
Shtyhet për një vit periudha e nisjes për përfituesit e statusit S
-
Fitime për bursën zvicerane nga ulja e normave të interesit në SHBA