Futbollistja shqiptare, në prag të largimit nga Real Madrid

Kontrata e kosovares Asllani me Real Madrid skadon këtë verë.

Futbollistja shqiptare, Kosovare Asllani, luan si sulmuese për ekipin e femrave të Real Madrid, kontrata e të cilës skadon këtë vit, transmeton albinfo.ch.

Asllani ka luajtur në Spanjë që nga viti 2019, kur u transferua nga skuadra e Linkoping, por tani e ardhmja e saj mund të jetë larg Madridit.

Mediat sportive zbulojnë se ajo ka marrë oferta nga 2 klube të rëndësishme evropiane. Arsyeja e largimit të futbollistes shqiptare mund të jetë ambicia për të fituar sa më shumë tituj, transmeton tutje albinfo.ch.

“Real Madrid tashmë ka bërë hapa të mëdhenj në një kohë të shkurtër. Ne kemi një dialog me Klubin e Real Madrid në lidhje me të ardhmen e Kosses, por ajo dëshiron të fitojë tituj, kjo është edhe ambicia e saj”, tregon agjenti i sportistes shqiptare. /Albinfo.ch

---