Muzikë
“Festivali Alba” 2022 mbahet në korrik – biletat janë në dispozicion që tani
Festivali Alba 2022" do të zhvillohet të shtunën dhe të dielën, më 2 dhe 3 korrik në Hardturm të Cyrihut, kanë njoftuar organizatorët të premten pasdite
![](https://www.albinfo.ch/wp-content/uploads/2019/07/rrim_190630_albafestival_7149_lr_web-587x391.jpg)
Pasi edicioni i vitit 2021 i festivalit të muzikës shqiptare nën qiell të hapur “Alba Festival” në 2021-ës qe anuluar dy ditë para datës së mbajtjes, organizatorët e Alba-s tani paralajmërojnë edicionin e radhës për në fillim të korrikut.
Kështu “Festivali Alba 2022” do të zhvillohet të shtunën dhe të dielën, më 2 dhe 3 korrik në arealin e stadiumit Hardturm të Cyrihut, kanë njoftuar organizatorët të premten pasdite, shkruan albinfo.ch.
Ata nuk kanë paralajmëruar ende emra pjesëmarrësish, por premtojnë prani të “yjeve ndërkombëtarë nga skena e muzikës hip-hop, R’n’B dhe pop muzikës shqiptare dhe kosovare” në eventin më të madh të këtij lloji nën qiell të hapur, në Evropë.
Për vizitorët do të ketë edhe specialitete të kuzhinës shqiptare dhe programe të tjera me të cilat 20 mijë fansa mund të festojnë për dy ditë kulturën e Kosovës dhe të Shqipërisë.
Siç është njoftuar gjerësisht vitin e kaluar, Edicioni i 2021 i festivalit u desh të anulohej vetëm dy ditë para mbajtjes pasi kantoni i Cyrihut kishte tërhequr lejen. Arsyetimi i ndalimit ishte “për të parandaluar mbingarkimin e spitaleve nga një numër i madh rastesh të reja me korona”, shkruan albinfo.ch. Fjala ishte për lajmet që përhapeshin ato ditë, sipas të cilave, “shumicën e të sëmurëve nga korona në spitalet zvicerane e përbëjnë ballkanasit, gjegjësisht shqiptarët, të sapokthyer nga pushimet në Ballkan.
Që atëherë, organizatorët kanë qenë në bisedime “të avancuara dhe konstruktive” me qytetin e Cyrihut për kompensimin e mundshëm financiar për anulimin e bërë në një afat kaq të shkurtër.
“Festivali Alba e sheh veten si një festival që lidh njerëzit nën qiell të hapur dhe dëshiron ta bëjë bukurinë dhe diversitetin e kulturës shqiptare dhe kosovare të prekshme për të gjithë përmes muzikës dhe kuzhinës”. Kështu thotë Adem Morina, producent ekzekutiv i Festivalit.
“Ftojmë dashamirët e muzikës dhe kulturës nga e gjithë Evropa të bëhen pjesë e këtij eventi unik muzikor. Risi është se mbahet në korrik në vend të shtatorit”.
Të ngjashme
Të tjera nga Muzikë
E-Diaspora
-
529 zarfe me fletëvotime nga diaspora janë anuluar Komisioni Qendror i Zgjedhjeve (KQZ) ka anuluar 529 zarfe me fletëvotime nga diaspora, për shkak siç...
-
Gazeta zvicerane: Ja si ka votuar diaspora e Kosovës në Aargau
-
“Mos t’i harrojmë arbëreshët” – Historia e një misioni dashurie për atdheun
-
TECH FORUM 2025: Forumi i parë shqiptaro-zviceran në Cyrih
-
Mirela Kuka, profesoreshë e Patologjisë në Universitetin Vita-Salute San Raffaele
Jeta në Zvicër
-
Zvicra do të “shtrëngojë” gjobat e parkimit të papaguara të vizitorëve të huaj Qeveria zvicerane ka rënë dakord të shqyrtojë problemin e gjobave të parkimit dhe gjobave të tjera...
-
Çfarë ndryshimesh mund të prisni në Cyrih këtë vit?
-
Buxheti i Zvicrës është më i balancuar nga sa mendohej fillimisht
-
Gazeta zvicerane: Ja si ka votuar diaspora e Kosovës në Aargau
-
Gjeneva merr masa urgjente për të shpëtuar sektorin e saj ndërkombëtar