Kosova
Fat në fatkeqësi: Me vëllezërit Arifaj ishte edhe vëllai tjetër i tyre që i shpëtoi trenit
Hasan (17 vjeç) dhe Blerian Arifaj (13 vjeç) nga fshati Ratishë e Deçanit vdiqën dje rreth orës 07:15 në qytetin Bruckberg të Gjermanisë, pasi që u goditën nga treni.
Me Blerianin dhe Hasanin ishte edhe vëllai i tyre, 14-vjeçari A.Arifaj, të cilët ishin përcjellë me makinë nga nëna e tyre deri te laura e stacionit hekurudhor, ku ndodhi rasti tragjik.
“Mbrëmë isha tek ata. Aksidenti nuk e di tash a keni lexuar apo e keni parë, aksidenti na ka tronditur lërë neve familjarëve, por edhe miqve dhe shokëve që i kemi. Si e kam marrë vesh aty ka qenë gruaja e djalit të axhës, e cila i ka dërguar me veturë deri aty tek treni për të shkuar në shkollë. Ashtu si më kanë treguar mbrëmë se nuk kam qenë aty. I ka çuar deri tek laura e trenit, e cila është mbyllur”, ka thënë Mehmet Arifaj, një familjar i viktimave për Klan Kosovën.
“Treni, i cili kanë pasur ata për të shkuar në shkollë e kanë parë aty të ndalur. Ata kanë menduar se treni po ikën. Nuk kanë pritur fare duke i tejkaluar laurat te hekurudha. Nuk e kanë menduar trenin tjetër që po vinte. Nuk e kanë parë duke ardhur dhe kanë vrapuar ku janë goditur më pas nga ky tren”.
Ai thotë se nëna e dy djemve kishte rënë në shok kur kishte dëgjuar tragjedinë.
“Nëna e tyre ka qenë me ata dhe e ka dëgjuar tragjedinë. Si kam dëgjuar unë, ajo ka rënë në shok. Djali i dytë ka qenë me ata. Ka dashur zoti, ka pasur ymër është ndalur dhe nuk ka vrapuar. Ky është 14-vjeçar, i madhi 17-vjeçar ndërsa i vogli 13-vjeçar”.
Familjari i viktimave bën të ditur se trupat e viktimave janë nisur nga Gjermania për në Kosovë, ku nesër do të kryhet varrimi i tyre.
“Sonte janë nisur nga Gjermania kufomat e tyre dhe do të mbërrijnë në Kosovë. Në varrim pritet të ketë numër të madh të pjesëmarrësve”.
E-Diaspora
-
Kurti: Pa diasporën, Kosova nuk do ta gëzonte lirinë dhe zhvillimin Kurti nga Parisi: Pa kontributin e diasporës vendi ynë nuk do ta gëzonte lirinë dhe zhvillimin...
-
Debat me kryeministrin Kurti në Universitetin e St. Gallenit
-
SHBA: Oficeri i FSK-së diplomon në Inxhinieri Ushtarake
-
Piktori Haxhi Fejzullahi hap ekspozitë personale në Graz
-
Itali: “Yjet e së ardhmes”, filmi më i mirë ndërkombëtar në festivalin ‘Castelli Romani’
Jeta në Zvicër
-
Miratohet udhëtimi me autobus rajonal ndërmjet Italisë dhe Zvicrës Pasagjerët në shërbimet publike rajonale të autobusëve midis Italisë dhe Zvicrës do të mund të hipin...
-
Cyrihu do të rrisë tarifat e parkimit për makinat e rënda
-
Për 50 vjet numri i personave të punësuar në Zvicër u rrit nga 2.8 milionë në 4.8 milionë
-
Gjykata Federale: Një sulm ‘i vogël’ seksual nuk mund të shkurtojë dënimin me burg
-
Cilat kantone në Zvicër kanë pagën minimale më të lartë?