Kosova
Familja e Faton Hajrizit dorëzon padi ndaj Kurtit, Bislimit e Rexhajt
Avokati Gent Gjini, i angazhuar nga familja e të vrarit në Serbi, Faton Hajrizi, të enjten ka dorëzuar padi në Gjykatën Themelore në Prishtinë ndaj zyrtarëve publikë që kanë përdorur gjuhë ofenduese dhe urrejtjeje ndaj tij.
Në padi, Gjini ka thënë se ka përfshirë kryeministrin Albin Kurti, zëvendëskryeministrin Besnik Bislimi, deputetin e Lëvizjes Vetëvendosje, Arbër Rexhaj dhe avokatin Gazmend Halilaj “që kanë përdorur shprehje joetike dhe fyese ndaj familjes Hajziri”. Ai ka shtuar se fjala “kriminel” ishte arsyeja kryesore se pse po e bën këtë padi.
Avokati Gjini ka thënë se do të vendosin ditëve në vijim nëse do ta padisin edhe ministren e Drejtësisë, Albulena Haxhiu.
Hajrizi ishte arratisur më 6 korrik nga burgu i Smrekonicës në Vushtrri dhe më 19 korrik të 2024-s ishte vrarë në Lloznicë, në afërsi të kufirit mes Serbisë dhe Bosnjës.
Trupi i tij është kthyer në Kosovë më 9 gusht, e dy ditë më vonë është varrosur në Klinë të Ulët të Skenderajt.
Kryeministri Albin Kurti pati bërë thirrje që Hajrizi të mos shihej si hero, duke i ftuar qytetarët të mos bien pre “e euforisë dhe romantizimit”.
E, zv.kryeministri Besnik Bislimi pati thënë se Hajrizi ishte person i dënuar për vepra penale dhe vendin e ka në burg.
E-Diaspora
-
Pas Gjermanisë, Kurti takon mërgatën në Francë Pas Gjermanisë, kryeministri i Kosovës, Albin Kurti, do të takojë mërgatën në Francë, përcjell albinfo.ch. Lajmi...
-
Ekspozitë e autorit Alan Chin me fotografi nga lufta e Kosovës
-
Shpërndahen tekstet mësimore në gjuhën shqipe për nxënësit e diasporës në Hamburg dhe Schleswig Holstein
-
Gjermania do ta zgjidhë problemin e regjistrimit të kosovarëve si shtetas të Serbisë
-
Frankfurt, hapet panairi i librit, i pranishëm edhe shteti i Kosovës
Jeta në Zvicër
-
Kantonet zvicerane shtojnë përpjekjet për të trajtuar varfërinë e fëmijëve Kantonet dhe qytetet zvicerane kanë vendosur të forcojnë shërbimet e mirëqenies sociale dhe të rrisin nevojat...
-
Banka Botërore: Kosova me rritje ekonomike 3.8%, të punësuar vetëm 37% e të aftëve për punë
-
Numri i grave në tregun e punës në Zvicër është dyfishuar për gjysmë shekulli
-
Lirohet zvicerani i arrestuar në lidhje me kërcënimet për bomba në Austri
-
Qyteti zviceran do të votojë për ndalimin e pështymës