Kosova
Faleminderit dhe mirupafshim!
![](https://www.albinfo.ch/wp-content/uploads/2023/09/samia-2-526x396.jpg)
Çdo fillim e ka një fund dhe çdo fund thuhet se e hapë një fillim i ri. Por, duket se fundi është gjithmonë më i vështirë se fillimi, njësoj si fundi i këtij rrugëtimi më shumë se katër vjeçar.
Emërimi im katër vite më parë si Drejtues i Konsullatës së Republikës së Kosovës në Cyrih, si Konsullata më e madhe në botë sa i përket ofrimit të Shërbimeve Konsullore ishte njëra nga detyrat dhe përgjegjësitë më të mëdha gjatë karrierës time 14 vjeçare në diplomaci.
Ishte një nder i madh që t’i shërbej vendit në një shtet mik dhe partner, siç është Konfederata e Zvicrës. Një krenari edhe më e madhe për t‘i shërbyer bashkëkombësve të mi, që na bëjnë krenar me sukseset e tyre në çdo sferë të jetës.
„Shërbimi para vetes“ ka qenë njëri nga mësimet që e mora nga shërbimi im si diplomat në ShBA dhe ky mësim më ka përcjellur edhe gjatë gjithë këtij rrugëtimi.
Sigurisht se drejtimi i një misioni kaq të veçantë nuk ishte i lehtë. Po shërbeja në një shtet, ku jeton dhe vepron gati njëzet për qind vetëm e shqiptarëve nga Kosova. Në vendin nga ku burra e gra; të rinj e të reja sakrifikuan pothuajse gjithçka nga vetja e tyre për ta ndihmuar vendin dhe popullin e tyre në kohërat më të vështira, ashtu siç e vazhdojnë edhe sot me dërgimin dhe shpenzimin e miliarda frangave zvicerane. Në një shtet, i cili ishte bërë njëri nga hisedarët e Pavarësisë së Kosovës. Në shtëpinë e dytë të Kosovës.
Sot, përderisa përfundoj drejtimin e këtij misioni, ndihem i mërzitur, por edhe i gëzuar. I mërzitur, që nuk do të jem më afër kolegëve, miqve, mbështetësve dhe bashkëpunëtorëve siç ishit edhe Ju, dhe i gëzuar për dyert e hapura që po i lë pas, miqësitë e reja që u ndërtuan dhe kujtimet e mira që do t’i marr me vete.
Por, veç kujtimeve të mira që do t’i marr me vete pyetja më e zakonshme, që do të mund të shtrohej nga secili prej jush është se për çfarë do të mund të mbaheshim në mend bashkë me bashkëpunëtorët e mi gjatë këtij mandati?
Përgjigjen më të mirë për këtë pyetje duket se kemi marrë nga vetë Ju. Mirënjohës për mbështetjen e madhe gjatë kohës së Pandemisë. Falënderues për energjinë dhe ndryshimet pozitive në hapësirat e punës. Respekt për rritjen e cilësisë së shërbimeve. Vlerësues për organizimet, që kishin për qëllim prezantimin dhe promovimin sa më të mirë të vendit e popullit tonë.
Dhe, e fundit, por jo më pak e rëndësishme: për zgjerimin dhe thellimin e mëtejmë të bashkëpunimit me popullin dhe Institucionet e shtetit pritës.
Fundi i këtij rrugëtimi sot, hapë fillimin e një rrugëtimi të ri nesër. Dhe, duket se ky është ai momenti më drithërues i ecjes përgjatë vijës së kufirit, që ndan të dyja. Momenti, kur pas përfundimit të misionit, që për qëllim kryesor kishte shëbimin para vetes duhet t’ju themi të gjithë Juve: faleminderit dhe mirupafshim! Faleminderit dhe mirupafshim gjatë rrugëtimit tonë të ri.
Shefi i Misionit Konsullor në Cyrih, Sami Kastrati (2019 – 2023)
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë