Kosova
Eurodeputeti austriak: BE-ja të caktojë njerëz të denjë dhe të paanshëm në proces të dialogut
Pak javë para konstituimit të strukturave të reja në Bashkimin Evropian, eurodeputeti austriak, Lukas Mandl, kërkon nga Komisioni Evropian të caktojë njerëz të denjë dhe të paanshëm për ndërmjetësimin e dialogut Kosovë-Serbi.
Ai thekson se vetëm në këtë formë mund të ketë sukses dialogu dhe palët të zbatojnë Marrëveshjen Bazë të Brukselit dhe aneksin e Ohrit.
Përkitazi me këtë, Mandl thotë se modeli i Tirolit Jugor është një shembull i mirë për Asociacionin, të cilin Kosova mund ta marrë parasysh, derisa nënvizon se i njëjti s’duhet të ketë kompetenca ekzekutive.
Ai kritikon edhe Serbinë për sjellje dhe qasje agresive ndaj Kosovës.
Ndërkaq, nënvizon nevojën që Bashkimi Evropian të heqë sa më parë masat ndëshkuese ndaj Kosovës.
Mandl për KosovaPress thekson nevojën që Kosova dhe Serbia të kenë qasje konstruktive në kuadër të dialogut të Brukselit.
“Duhet të jetë një dialog i vërtetë mes dy vendeve dhe duhet parë se janë dy vende që flasin me njëri-tjetrin, jo kryeqytetet, prandaj e përdor shprehjen e dialogut Kosovë-Serbi dhe nuk i përmend kryeqytetet për të theksuar se këto janë dy vende në kushte të barabarta.
Ne kemi pesë shtete anëtare të BE-së që ende nuk e kanë njohur Republikën e Kosovës, gjë që është për të ardhur keq. Unë u kam shkruar kryeministrave të secilit prej këtyre pesë vendeve menjëherë pas fillimit të luftës së agresionit të Rusisë kundër Ukrainës, por në mjete dhe masa hibride kundër të gjithë neve, për të rekomanduar që tani të njihet Republika e Kosovës, unifikimi i botës së lirë, për bashkimin e botës perëndimore për të kontribuar në bashkimin e Evropës në tërësi, e gjithë kjo do të jetë një parakusht shumë i mirë për një të ardhme pozitive të Ballkanit Perëndimor, domethënë një të ardhme pozitive për Evropën.
Ajo që duhet menjëherë dhe praktikisht janë njerëz nga ana e Komisionit Evropian, të cilët do ta moderojnë këtë proces të dialogut në mënyrë të denjë dhe paanshëm dhe gjithashtu pa marrë asnjë anë, kjo do të jetë diçka që unë i besoj shumë Komisionit të ri Evropian se do ta bëjë më mirë se i fundit kur bëhet fjalë për dialogun”, thekson ai.
Eurodeputeti austriak thekson se Kosova duhet të përmbushë përgjegjësitë e veta sa i përket Asociacionit, mirëpo i njëjti s’duhet të ketë kompetenca ekzekutive.
E-Diaspora
-
Madrid: 12 veçarja shqiptare në prag të përfaqësimit të Shqipërisë “Junior Fest Albania 2024” përfundoi në shtator në Tiranë me kurorëzimin e Nikol Çabelit fituese të...
-
Kurti e Gërvalla takohen me mërgimtarët në Gjermani
-
Frankfurt: Piktori shqiptar hap ekspozitën e artit pamor me titull “Art Open Call”
-
Arti diplomatik i Shuk Oranit: Një iniciativë kulturore me strategji ndërkombëtare
-
Zëri i viktimave të Kosovës, në “Kopshtin e të zhdukurve” në Gjenevë
Jeta në Zvicër
-
100 markat më të vlefshme, përfshihet vetëm një kompani zvicerane Interbrand ka publikuar një renditje të 100 markave më të vlefshme. Zvicra përfaqësohet vetëm nga Nestlé....
-
Gjashtë lajme të mëdha nga Zvicra, për të cilat duhet të dini këtë javë
-
Trajneri i Serbisë: Shaqiri është lojtar i madh ndërsa Xhaka është “alfa dhe omega e Zvicrës”
-
Granit Xhaka zbret si kapiten në Serbi, aeroporti mbrëmë u bllokua nën masa të rrepta
-
Zvicra sot përballë Serbisë, sytë krejt te Xhaka