Erdhi për Bajram, mërgimtarit në Ferizaj ia vodhën veturën

Policia e Kosovës ka bërë të ditur se gjatë ditës së djeshme një mërgimtari në Ferizaj ia kanë vjedhur veturën, përcjell albinfo.ch.

Një person në Ferizaj ka raportuar se të enjten rreth orës 15:00 i është vjedhur vetura e targa të huaja.

“Ankuesi, mashkull kosovar, ka raportuar se të dyshuar të panjohur i kanë vjedhur veturën me targa të huaja”, thuhet në raportin e policisë.

Rasti është duke u hetuar nga njësitet relevante policore. /Albinfo.ch