Teatër

Eno Peçi nderohet me çmim të rëndësishëm në Austri

E premte, 13 Dhjetor 2019 - 15:50 albinfo.ch

I pari balerin shqiptar, i cili performoi live në Koncertin e Vjenës të fillim vitit 2014, Eno Peçi, po vazhdon të bëjë punë të madhe e sukseset të mos i mungojnë.

I lindur në Tiranë, ai është primo balerin i arsimuar në Akademinë e Baletit të Tiranës dhe në Shkollën e Baletit të Operës Shtetërore të Vjenës “Wiener Staatsoper”, ku dhe jeton e punon.

Përveç shqiptarëve, krenarë me Enon po ndihen edhe në Austri. Ky shtet sot e ka nderuar balerinin shqiptar me çmim.

Atij i është ndarë çmimi austriak për shkencë dhe art – “ÖSTERREICHISCHEN EHRENKREUZES FÜR ËISSENSCHAFT UND KUNST”.

Eno është shprehur i nderuar dhe mirënjohës për këtë çmim.

”Shumë krenar, mirënjohës dhe i nderuar të marrë çmimin austriak “ÖSTERREICHISCHEN EHRENKREUZES FÜR ËISSENSCHAFT UND KUNST”, ka shkruar Eno.

Kujtojmë që javën e kaluar Eno Peçi pati premierën e shfaqjes “Exil” në Teatrin Kombëtar të Kosovës, e cila rezultoi shumë e suksesshme.

 Të ngjashme

Balerini Eno Peçi mban koncert nesër te Sheshi “Skënderbej” në Tiranë

 Të tjera nga Teatër

Orkestra e të Rinjve të Kosovës, koncert për 28 Nëntorin, në Gjermani

 E-Diaspora

 Jeta në Zvicër