Kosova
Ejup Maqedonci: Mërgimtari që u bë kreu politik i Ushtrisë së Kosovës
26 vjet më parë, në Horn të Zvicrës, një 19-vjeçar do të merrte një drejtim të pazakontë për moshatarët e tij. Ejup Maqedonci, i cili kishte dy vjet që po qëndronte në shtetin helvetik, vendosi të kthehej në atdhe, atje ku lufta kishte përfshirë shumicën e vendeve të Kosovës. Më 18 mars ’98 ai mori miratimin e familjes dhe u nis drejt Shqipërisë për t’u bashkuar me bashkëkombësit e tij që po luftonin në radhët e Ushtrisë Çlirimtare të Kosovës. Jeta pas kësaj pati uljet dhe ngritjet e saj, dhe për herë të parë ushtaraku që u bë politikan ka rrëfyer për Albinfo.ch gjithë rrugëtimin e tij që nga 18 marsi i ftohtë i 1998-ës në Horn të Zvicrës, e deri më 8 gusht, kur u thirr për të udhëhequr Ministrinë e Mbrojtjes së Kosovës.
Ish-luftëtari i UÇK-së, tashmë ministër i Mbrojtjes së Kosovës, Ejup Maqedonci, ka një vit që ka hequr përgjithmonë uniformën ushtarake, të cilën e mbajti plot 26 vjet. Ky mërgimtar po drejton një nga institucionet më të rëndësishme të vendit.
Megjithëse ndërrimi i tri uniformave nuk ishte asnjëherë i lehtë për Ejupin, i cili që nga mosha 19-vjeçare nuk ka jetuar asnjë ditë përtej disiplinave të përcaktuara nga eprorët dhe ushtria. E të njëjtën jetë po vazhdon ta bëjë Ejupi, ani pse ka një vit që nuk është më ushtar. E vetmja gjë që i ka shpëtuar disiplinës pas ushtrisë është mjekra e tij.
Ejup Maqedonci e ka të qartë se diaspora nuk mund të shkëputet asnjëherë nga atdheu, andaj në këtë intervistë speciale për shqiptarët në Zvicër, ai ka folur për planet e ushtrisë që ajo të bëhet e hapur për të gjithë diasporën. Ejupi ka përmendur angazhimin e saj në strukturën joaktive të Ushtrisë së Kosovës, ku ndër të tjera ka theksuar nevojën që shteti ka për fushën e kuadrove që vijnë nga teknologjia, e të cilët pa dyshim mund të jenë shqiptarë që vijnë nga diaspora.
E-Diaspora
-
Cyrih: Në prag të edicionit të tretë të “Zurich Shqip Up Comedy Festival” Tashmë përgatitjet kanë filluar për edicionin e tretë të “Zurich Shqip Up Comedy Festival”, duke e...
-
Petrit Halilaj hap ekspozitën “Abetare” në Nju-Jork
-
Agon Uka nga Suedia do të luajë për kombëtaren e Kosovës
-
Fehmi Stublla përfaqësoi Kosovën në gjysmëmaratonën e Stokholmit
-
Promovohet libri: “Si e zbuluam Zvicrën duke ecur. Një shtegtim nëpër alpe dhe histori”
Jeta në Zvicër
-
Tre shkurtime buxhetore që Zvicra dëshiron të bëjë, të cilat do të ndikojnë tek ju Kjo mund të jetë befasi për këdo që beson se Zvicra nuk ka probleme me paratë,...
-
Tetë gjërat që pronarët në Zvicër nuk mund t’i kërkojnë kurrë qiramarrësve
-
Pse do të jetë më e vështirë të gjesh punë në Zvicër këtë vjeshtë?
-
Çfarë duhet të dini për “ID-të elektronike” të Zvicrës?
-
Zvicra refuzon lëvizjen për të lehtësuar rregullat e bashkimit familjar për shtetasit zviceranë të natyralizuar