Lajme
Edhe pak orë afat për diasporën që të investojë në bonot në Kosovë
Deri në fillimin e ditës së sotme janë mbi 90 kërkesa të realizuara për investim dhe shuma ka arritur afër 9 milionë euro
Rreth 9 milionë euro ka arritur shifra e investimeve të diasporës në Bonot e Thesarit që nga korriku kur është hapur kjo mundësi për diasporën.
Sipas Ministrisë së Financave dhe Transfereve, deri më tani janë pranuar mbi 90 kërkesa për investim.
“Interesimi është i vazhdueshëm për të investuar, ndërsa deri në fillimin e ditës së sotme janë mbi 90 kërkesa të realizuara për investim dhe shuma ka arritur afër 9 milionë euro, shumë e cila lëviz çdo orë. Instrumenti më i preferuar nga investitorët është Bono e Diasporës 5-vjeçare, e cila njëherësh ka shumën dominuese të investimit (afër 90%)”, thuhet nga MF-ja për KTV, transmeton Albinfo.ch.
Nga ministria bëjnë me dije se kuponi i parë i kthimit bëhet më 20 shkurt të vitit 2022.
Por, Yll Blakaj, kryetar i Rrjetit të Bizneseve të Diasporës Shqiptare në Austri, ka thënë se do të duhej një përgatitje më e madhe.
“Është mundësi e mirë, megjithëse mendoj se ka qenë dashur të bëhej një parapërgatitje më e mirë me shoqata të bizneseve dhe aktorë të tjerë që veprojnë në diasporë”, tha Blakaj.
Edhe Sutrime Dervisholli, njohëse e ekonomisë, por që, sipas saj, investimi në bono është një mundësi e mirë për diasporën.
“Ankandi për blerjen e bonove është hapur më 21 korrik dhe përfundon më 18 gusht. Personat fizikë e bizneset mund të investojnë në vlerën minimale prej 10 mijë eurove deri në atë maksimale 500 mijë euro. Derisa, maturimi 3-vjeçar ka normë vjetore 1.20%, ndërsa afatizimi 5-vjeçar ka normë vjetore 2.20% e fitimi nga ky investim është i liruar nga tatimi”, tha Dervisholli.
E-Diaspora
-
Akuzohen 6 shqiptarë për pastrimin e 7 milionë frangave përmes agjencisë turistike Gjatë njëmbëdhjetë muajve, pronari i biznesit dhe djemtë e tij thuhet se kanë ndihmuar në pastrimin...
-
Simpozium me ligjerata mjekësore në Gjenevë dhe Cyrih!
-
Panikë në aeroplanin që udhëtonte nga Prishtina në Halmstad, turbulencat e mëdha shkaktuan probleme në frymëmarrje
-
24 orë në ditë në shërbim të pacientit: Spitex Mednest24
-
Gjermania me numrin më të lartë të votuesve jashtë Kosovës
Jeta në Zvicër
-
Moti në Zvicër: Bëhet apel për kujdes në rrugë, akulli kërcënon në këto rajone Dimri po mban në pritje ultësirat: në vend të borës, pjesë të vendit kërcënohen nga akulli...
-
Gjërat që nuk u takojnë të huajve në Zvicër
-
Rritet papunësia në Zvicër
-
Akuzohen 6 shqiptarë për pastrimin e 7 milionë frangave përmes agjencisë turistike
-
Zvicër: Parashikimi i motit në fundjavë: ‘Brrrrr’