Lajme
Edhe BDI e përfshirë në vjedhjen e votave
Në mesin e “bombave” të cilat i ka dorëzuar në Prokurorinë Speciale Publike (PSP), LSDM-ja, ka edhe disa incizime të cilat dëshmojnë se BDI është përfshirë në manipulime zgjedhore
![](https://www.albinfo.ch/wp-content/uploads/files/ali ahmeti.jpg)
Prokuroria Speciale e Maqedonisë posedon incizime të disa udhëheqësve të BDI-së, partisë së Ali Ahmetit që ishte ne qeveri, për vjedhje votash në zgjedhjet e kaluara. Madje thuhet se në këtë incizim dy figura të larta të kësaj parti bëjnë llaf se si i kanë mbushur kutitë në qendrat e votimit.
Prandaj siç raporton gazeta “Lajm” në mesin e “bombave” të cilat i ka dorëzuar në Prokurorinë Speciale Publike (PSP), LSDM-ja opozitare, ka edhe disa të cilat përmbajnë biseda të funksionarëve të lartë të BDI-së që kanë të bëjnë me manipulime zgjedhore.
E njëjta bisedë, përmban pjesën e bisedës ku dy funksionarët (shumë të lartë) thonë se funksionari i tretë i tyre është incizuar duke mbushur kutitë. Ata po ashtu bisedojnë se si të shpëtojnë këtë funksionar edhe nga dënimi edhe nga zbulimi i incizimit. Ky incizim është bë me celular dhe burimet tona thonë se një pjesë e tij madje ka rrjedhur në opinion.
Burimet të kësaj gazete thonë se këto janë edhe shkaqe që shtynë këtë parti shqiptare të mos e mbështesë ndryshimin e Ligjit për mbrojtjen e dëshmitarëve, që kërkoi Prokuroria Speciale e Maqedonisë.
BDI, ashtu si edhe VMRO-DPMNE-ja nuk i ka mundësuar sot Prokurorisë Speciale Publike që të zbardh rastin e “Sopotit” dhe rastin “Monstra”, pasi që nga 19 deputetë sa ka kjo parti, vetëm tetë kanë votuar “pro”, katër kanë qenë të pranishëm në sallë por nuk kanë votuar, ndërsa shtatë deputetë nuk kanë qenë të pranishëm.
E-Diaspora
-
Don Marjan Marku: Të promovohet dialogu ndërfetar dhe ndërkulturor Në mesin e trembëdhjetë kandidatëve për postin vakant të ipeshkvit të St. Gallenit është edhe prifti shqiptar,...
-
Shfaqet në Zvicër filmi i Bujar Alimanit, “Fluturat”
-
Çiftit kosovar i refuzohet tri herë pasaporta zvicerane: A do ta kërkojë sërish?
-
“Time” e përfshin shqiptaren Mira Murati në majë të listës së njerëzve që po bëjnë revolucion
-
Irma Kurti shpallet “Poetja e muajit” nga revista britanike “The seventh quarry”
Jeta në Zvicër
-
Saastal: Vazhdon evakuimi i turistëve dhe pastrimi i terrenit Helikopterët Air Zermatt ishin në gjendje të transportonin njerëz të premten midis orës 4 dhe 19:00,...
-
Sa kushton administrimi i aseteve të fondit pensional?
-
Kushtetuta e re kantonale synon t’i bëjë komunat më të pavarura
-
Shitja e cigareve elektronike është e ndaluar në kantonin Jura
-
Xhaka mungon kundër Spanjës, Yakin tregon se kush do e zëvendësojë