Integrimi
Edhe 7 ditë tjera për diasporën
Kështu, votuesit jashtë vendit mund të regjistrohen për të votuar deri më 17 shtator.
Zgjatet sërish afati për regjistrimin e votuesve nga diaspora. Kështu është vendosur në mbledhjen e sotme të Komisionit Qendror të Zgjedhjeve pas kërkesës së Ministrisë së Diasporës. Afati është shtyrë për shtatë ditë. Kështu, votuesit jashtë vendit mund të regjistrohen deri më 17 shtator.
Maksimumi që mund të shtyhej ky afat, pa rrezikuar 40 ditëshin para zgjedhjeve, siç parashihet me ligjin e zgjedhjeve. Kjo është bërë pas kërkesës së Ministrisë së Diasporës, por, anëtari i Vetëvendosjes në KQZ, Adnan Rrustemi, ka thënë se ky është vendim që është marrë në Bruksel e KQZ-ja vetëm po e miraton, bën të ditur RTK .
Ai e ka lëshuar mbledhjen kur u votua për këtë. Anëtarët kanë thënë se vetëm kaq mund t’u ofrohej afat, jo më shumë. Rrustemi ka thënë se kjo ka të bëjë me regjistrimin e votuesve në Serbi e nuk ka të bëjë me diasporën. “Kjo kërkesë nuk ka të bëjë me diasporën, mendojë që edhe Ministria e Diasporës është përfshirë dhe është lëshuar në zhvillimet e fundit politike, dhe në këtë rast po e shfrytëzon diasporën për të arritur një qëllim krejt tjetër dhe që nuk ka të bëjë me drejtën e tyre për të votuar.
Unë mendoj që kjo kërkesë, ju mund ta aprovoni dhe ta ndryshoni sa herë doni por kjo ajo nuk ka të bëjë me diasporën por ka të bëjë me regjistrimin e votuesve në Serbi dhe është kërkesë e drejtpërdrejtë dhe është vendim që është marrë në Bruksel e ne veç po e formalizojmë”, ka thënë ai. Kur u votua për këtë proces ai lëshoi mbledhjen derisa të gjithë të tjerët votuan PËR, shtyrje të afatit.
Të tjera nga Integrimi
E-Diaspora
-
Shoqata “ILIRËT” do të prezantohet me këngë e valle shqiptare në qytetin Gland Si çdo vit, edhe këtë nëntor do të mbahet festa shumëkulturore e qytetit Gland, të shtunën,...
-
Kosovari nga Austria po voziste një veturë të vjedhur para 11 vjetëve
-
Kurti uron Ditën Kombëtare të Austrisë
-
“Siparantum” valëvit flamurin e Kosovës në Spanjë, krahas 32 shteteve
-
Arrestohet shqiptari nga Gjermania për keqpërdorim të fëmijëve në pornografi
Jeta në Zvicër
-
Qiratë e larta i pengojnë njerëzit të ndryshojnë apartamentet Edhe pse popullsia zvicerane po rritet me shpejtësi, numri i njerëzve që lëvizin është ulur ndjeshëm...
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja
-
Eurovision Song Contest në Bazel: EDU dorëzon referendumin