EasyJet do të nisë fluturime direkte nga Gjeneva në Tbilisi

Nga 31 marsi 2025 udhëtarët që nisen nga Gjeneva do të mund të fluturojnë drejt Aeroportit Ndërkombëtar “Shota Rustaveli” në kryeqytetin gjeorgjian.

Fluturimet do të kryhen dy herë në javë, të hënën dhe të enjten, njoftoi aeroporti i Gjenevës, shkruajnë mediat zvicerane, përcjell albinfo.ch.

Kjo linjë do të jetë e para për gjithë rrjetin EasyJet dhe gjithashtu do të jetë e vetmja linjë ajrore që do të ofrojë këto fluturime nga Gjeneva gjatë gjithë vitit, dhe jo sezonalisht.