Shkurt.ch
E majta vazhdon të qeverisë me Gjenevën
Përbërja e ekzekutivit të Gjenevës: katër politikanë të majtë dhe vetëm një nga tabori i djathtë
Qeveria e qytetit të Gjenevës, edhe pas zgjedhjeve që u mbajtën dje, vazhdon të mbetet në duart e shumicës së majtë.
Përbërja e ekzekutivit të qytetit të dytë më të madh të Zvicrës nuk ndryshon: katër politikanë të majtë dhe vetëm një nga tabori i djathtë do të qeverisin Gjenevën edhe në katër vitet që vijnë.
Të katër kandidatët nga partitë e majta, arritën kuotën e nevojshme për tu zgjedhur. Prej tyre, numrin më të madh të votave e ka fituar Sami Kanaan nga Partia Socialdemokrate.
Pas tij radhiten kolegia e tij partiake Sandrine Salerno, përfaësuesja e të Gjelbërve Esther Alder si dhe Remy Pagani, nga Alternativa e majtë. Vendin në ekzekutivin e qytetit e ka ruajtur edhe përfaqësuesi i FDP-së, Pierre Maudet.
Kanaan dhe Alder zgjidhen për herë të parë në këtë post.
Ndryshe nga sa ishte pritur, lëvizja populiste e djathtë MCG, kësaj radhe nuk ia doli të bënte ndonjë depërtim me peshë.
Në zgjedhjet parlamentare të Gjenevës, që u mbajtën para një muaji, lëvizja në fjalë kishte shënuar një ekspansion të vërtetë. Ndërsa në zgjedhjet e djeshme, në gjithë kantonin, vetëm një përfaqësues i MCG-së ia doli të zgjidhej anëtar qeverie. Ai është Eric Stauffer, i cili këtë e arriti që komunën Onex.
Në zgjedhjet e mbajtura dje pati një pjesëmarrje të qytetarëve me të drejtë vote prej 36.5 për qind.
E-Diaspora
-
Shoqata “ILIRËT” do të prezantohet me këngë e valle shqiptare në qytetin Gland Si çdo vit, edhe këtë nëntor do të mbahet festa shumëkulturore e qytetit Gland, të shtunën,...
-
Kosovari nga Austria po voziste një veturë të vjedhur para 11 vjetëve
-
Kurti uron Ditën Kombëtare të Austrisë
-
“Siparantum” valëvit flamurin e Kosovës në Spanjë, krahas 32 shteteve
-
Arrestohet shqiptari nga Gjermania për keqpërdorim të fëmijëve në pornografi
Jeta në Zvicër
-
Qiratë e larta i pengojnë njerëzit të ndryshojnë apartamentet Edhe pse popullsia zvicerane po rritet me shpejtësi, numri i njerëzve që lëvizin është ulur ndjeshëm...
-
Gjashtë lajmet që “përmblodhën” Zvicrën këtë javë
-
Sa i rëndësishëm është për Zvicrën fituesi i zgjedhjeve në SHBA?
-
Aeroplani zviceran u detyra të bëjë ulje të paplanifikuar, kjo është arsyeja
-
Eurovision Song Contest në Bazel: EDU dorëzon referendumin