Futboll

E jashtëzakonshme: Granit Xhaka, i 16-ti në botë

Sukses i madh për futbollistin shqiptar që luan për Zvicrën

E hënë, 28 Tetor 2024 - 21:55 albinfo.ch

(KEYSTONE/AP Photo/Martin Meissner)

Granit Xhaka është renditur i 16-ti në garën për Topin e Artë për edicionin 2023/2024.

Mesfushori shqiptar ishte në mesin e 30 të nominuarve, kurse në renditjen përfundimtare është i 16-ti, transmeton albinfo.ch.

Xhaka në edicionin e kaluar e udhëhoqi Bayer Leverkusenin drejt titullit të kampionit në Bundesligë. Leverkuseni e fitoi edhe Kupën e Gjermanisë, ndërsa u mposht në finale të Ligës së Evropës. “Aspirinat” kishin edicion të jashtëzakonshëm, duke mos pësuar asnjë humbje në kampionatin gjerman.

Xhaka është shqiptari i parë i nominuar për Topin e Artë. Ai është kapiten dhe lider i Zvicrës në futboll.

https://www.lequipe.fr/Football/Actualites/Decouvrez-le-classement-du-ballon-d-or-2024-en-direct/1516861